Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Heilbrigðisritari/ skrifstofumaður, hlutastarf

Heilbrigðisritari/ skrifstofumaður óskast í hlutastarf á bráðaöldrunarlækningadeild B4 í Fossvogi. Deildin er sólarhringsdeild með 20 legurýmum þar sem fram fer greining, meðferð og hjúkrun bráðveikra aldraðra einstaklinga. Lögð er áhersla á góð samskipti við sjúklinga, fjölskyldur þeirra og samstarfsfólk á deild.

Við leitum eftir þjónustuliprum einstaklingi sem er fljótur að læra og tileinka sér hlutina. Viðkomandi þarf að hafa góða samskiptahæfni og eiga auðvelt með að vinna í teymi. Starfið felur í sér mikil samskipti og fjölbreytt og krefjandi verkefni. Við tökum vel á móti nýju samstarfsfólki og veitum góða einstaklingshæfða aðlögun.

Starfshlutfall er 70% og unnið er aðra hverja helgi. Ráðið er í starfið sem fyrst eða eftir samkomulagi.

Vinnuvika starfsfólks í fullri vaktavinnu er nú 36 stundir sem getur orðið enn minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Heilbrigðisritaramenntun, stúdentspróf eða annað nám og/ eða reynsla sem nýtist í starfi

Faglegur metnaður, þjónustulipurð og góð færni í mannlegum samskiptum

Skipulögð og sjálfstæð vinnubrögð sem og frumkvæði í starfi

Tölvufærni

Þekking á tölvukerfi Landspítala æskileg

Góð íslensku- og enskukunnátta

Helstu verkefni og ábyrgð

Almenn og sérhæfð ritarastörf á deild s.s. símsvörun, upplýsingagjöf, útvegun og frágangur gagna og gagnavinnsla í tölvukerfi Landspítala

Pantanir og innkaup

Ábyrgð á daglegum verkefnum deildar skv. verklagi

Önnur tilfallandi verkefni í samráði við deildarstjóra

Starfshlutfall: 70%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, heilbrigðisritari, skrifstofustörf, móttaka, ritari, skrifstofumaður

Tungumálahæfni: íslenska 5/5, enska 4/5

Nánari upplýsingar

Sigríður Lóa Rúnarsdóttir, sigridru@landspitali.is, 861-2352

Bráðaöldrunarlækningadeild

Fossvogi

108 Reykjavík

Auglýsing birt12. nóvember 2024

Umsóknarfrestur22. nóvember 2024

Tungumálahæfni

Íslenska

Nauðsyn

Framúrskarandi

Enska

Nauðsyn

Mjög góð

Staðsetning

Fossvogur, 108 Reykjavík

Starfstegund

Starfsgreinar

Starfsmerkingar

Fleiri störf (48)

Sjúkraliði á göngudeild innkirtla- og gigtarsjúkdóma / Afleysingastaða