Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Yfirlæknir innskriftar, vöknunar og dagdeildarþjónustu í svæfinga- og gjörgæslulækningum

Starf yfirlæknis í innskriftar, vöknunar og dagdeildarþjónustu í svæfinga- og gjörgæslulækningum Landspítala er laust til umsóknar. Við leitum eftir öflugum leiðtoga með faglega hæfni til að byggja upp og leiða þjónustu við sjúklinga, mannauð og rekstur. Yfirlæknir fer með forystu fyrir þjónustu við sjúklinga á sínu sérsviði, þróun faglegrar þjónustu, umbreytingarstarfi og gæða- og öryggismálum. Hann stuðlar að teymisvinnu innan deildar í samvinnu við aðra stjórnendur og samstarfsaðila.

Yfirlæknir hefur þríþætta ábyrgð stjórnanda, þ.e. faglega ábyrgð, ábyrgð á mannauði og rekstrarábyrgð. Auk þess gegnir yfirlæknir mikilvægu hlutverki í kennslumálum og uppbyggingu vísindastarfs

Yfirlæknir starfar í nánu samstarfi við forstöðulækni, framkvæmdastjóra sviðs og framkvæmdastjóra lækninga og er þátttakandi í stjórnendateymi skurðlækninga-, skurðstofu- og gjörgæsluþjónustu. Næsti yfirmaður er forstöðulæknir svæfinga- og gjörgæslulækninga.

Starfið veitist frá 1. janúar 2025 eða eftir samkomulagi og er starfshlutfall 100%. Gerð er krafa um helgun í starfi yfirlæknis.

Í svæfinga- og gjörgæslulækningum Landspítala starfa rúmlega 40 sérfræðilæknar og um 20 sérnámslæknar í þverfaglegu teymi og í nánu samstarfi við aðrar fagstéttir spítalans.

Menntunar- og hæfniskröfur

Íslenskt sérfræðileyfi í svæfinga- og gjörgæslulækningum

Reynsla í svæfinga- og gjörgæslulækningum

Leiðtogahæfileikar og geta til að leiða umbótastarf og breytingar

Færni í stjórnunarhlutverki, þ.e. fagleg ábyrgð, starfsmannaábyrgð og fjárhagsleg ábyrgð

Þekking og áhugi á uppbyggingu og stýringu mannauðs og teymisvinnu

Jákvætt viðmót og framúrskarandi hæfni í mannlegum samskiptum

Frumkvæði og metnaður til að ná árangri

Reynsla af kennslu og vísindastörfum og sýn til framtíðar á þeim sviðum

Mjög góð íslenskukunnátta, bæði í mæltu og rituðu máli

Helstu verkefni og ábyrgð

Fagleg ábyrgð á uppbyggingu, skipulagi og þróun svæfinga- og gjörgæslulækninga á Landspítala, þ.m.t. kennslumál og vísindastarf

Fjárhagsleg ábyrgð, þ.e. ábyrgð á rekstri og áætlanagerð einingar

Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsmanna á einingunni

Framfylgir stefnumótun og áherslum framkvæmdastjórnar og ber ábyrgð á gerð og eftirfylgd starfsáætlunar einingar í samræmi við starfsáætlun Landspítala

Tekur þátt í gerð þjónustuáætlana og framfylgd þeirra

Styður við skilvirkt flæði sjúklinga innan Landspítala

Hefur forystu um/tekur þátt áframhaldandi uppbyggingu, skipulagi og þróun svæfinga- og gjörgæslulækninga á Landspítala inn í nýjan Landspítala

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins. Tekið er mið af jafnréttisstefnu Landspítala við ráðningar á spítalanum.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum
Afrit af lækninga- og sérfræðileyfum sem og vottuð afrit af erlendum leyfum (ef við á)
Staðfesting á læknis-, stjórnunar- og kennslustörfum
Ferilskrá þar sem tilgreind er reynsla af læknis-, kennslu-, vísinda- og stjórnunarstörfum
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed
Afrit af umsókn um læknisstöðu hjá Embætti Landlæknis skal fylgja með umsókn. Umsækjandi og vistar, fyllir það út og sendir með umsókn
Kynningarbréf með framtíðarsýn umsækjenda varðandi starfið og sérgreinina auk rökstuðnings fyrir hæfni

Allar umsóknir eru sendar til stöðunefndar lækna skv. 36. gr. laga um heilbrigðisþjónustu, sem hefur aðsetur hjá Embætti landlæknis. Viðtöl verða höfð við umsækjendur og byggist ákvörðun um ráðningu í starfið einnig á þeim auk mats stöðunefndar á innsendum umsóknargögnum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Yfirlæknir, sérfræðilæknir

Tungumálahæfni: íslenska 5/5,

Nánari upplýsingar

Kári Hreinsson, karih@landspitali.is, 825-3790

Skrifstofa skurðlækninga-, skurðstofu- og gjörgæsluþjónustu

Skaftahlíð 24

105 Reykjavík

Auglýsing birt8. nóvember 2024

Umsóknarfrestur22. nóvember 2024

Tungumálahæfni

Íslenska

Nauðsyn

Framúrskarandi

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (48)

Sjúkraliði á göngudeild innkirtla- og gigtarsjúkdóma / Afleysingastaða