Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðilæknir á endurhæfingardeild Grensás

Staða sérfræðilæknis í endurhæfingarlækningum og eða taugalækningum við endurhæfingardeild Landspítala Grensás er laus til umsóknar frá 1. janúar 2025 eða eftir samkomulagi. Starfshlutfallið er 100%. Unnið er í þverfaglegum teymum. Einnig taka endurhæfingarlæknar þátt í menntun lækna, allt frá læknanemum til sérnámslækna.

Endurhæfingardeild Landspítala Grensás er staðsett við Álmgerði 1 í Reykjavík. Á deildinni starfa yfir 70 manna þverfaglegur hópur heilbrigðisstarfsfólks. Deildin sinnir fjölbreyttum hópi sjúklinga sem eiga það sameiginlegt að hafa tapað færni tímabundið eða varanlega vegna slysa eða veikinda. Á deildinni er frumendurhæfingu sinnt. Mikil áhersla er á taugaendurhæfingu svo sem endurhæfingu eftir heilablóðföll, heilaskaða og mænuskaða. Á legudeildinni er pláss fyrir 24 sjúklinga. Á dagdeild eru að jafnaði 40 sjúklingar á hverjum tíma. Sérhæfð síspennumeðferð er veitt á göngudeild auk almennrar göngudeildar endurhæfingarlækninga.

Það eru spennandi tímar þar sem nýbygging er í smíðum sem mun gjörbreyta allri aðstöðu og verklok eru áætluð árið 2026.

Menntunar- og hæfniskröfur

Íslenskt sérfræðileyfi í endurhæfingarlækningum eða taugalækningum

Jákvætt viðhorf, frumkvæði og samskiptahæfileikar

Sjálfstæði og skipulögð vinnubrögð

Faglegur metnaður

Hæfni og geta til að starfa í teymi

Helstu verkefni og ábyrgð

Vinna á legudeild, dagdeild og göngudeild, ásamt vaktþjónustu við endurhæfingardeild Landspítala Grensás

Veita ráðgjöf við aðrar deildir Landspítala og aðrar sjúkrastofnanir

Þátttaka í menntun læknanema, sérnámsgrunnslækna og sérnámslækna

Þátttaka í kennslu og vísindavinnu sem og önnur sérverkefni

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins.

Allar umsóknir þurfa að fara í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá þar sem tilgreind er reynsla af kennslu, vísindavinnu, gæðavinnu og stjórnunarstörfum
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed
Kynningarbréf með rökstuðningi fyrir hæfni og sýn á starfið

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum

Starfsmerkingar: Heilbrigðisþjónusta, Sérfræðilæknir,

Tungumálahæfni: Íslenska 5/5

Nánari upplýsingar

Magdalena Ásgeirsdóttir, [email protected], 825-5052

Endurhæfingarlækningar

Grensási

108 Reykjavík

Auglýsing birt20. nóvember 2024

Umsóknarfrestur2. desember 2024

Tungumálahæfni

Íslenska

Nauðsyn

Framúrskarandi

Starfstegund

Starfsgreinar

Starfsmerkingar

Fleiri störf (34)