Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingar í nýtt öldrunargeðteymi á Landspítala

Hefur þú áhuga á öldrunar- og geðhjúkrun?

Við leitum að metnaðarfullum og framsæknum hjúkrunarfræðingum til að taka þátt í uppbyggingu og þróun á nýju þverfaglegu öldrunargeðteymi á Landspítala.

Öldrunargeðteymið verður eitt af sérhæfðum göngudeildarteymum á meðferðareiningu lyndisraskana innan geðþjónustu Landspítala en mun vinna náið með öðrum deildum spítalans þar sem aldraðir dvelja. Meginhlutverk teymisins verður að veita einstaklingsmiðaða þjónustu til aldraða einstaklinga með geðraskanir og aðstandendum þeirra.

Þar sem um nýjar stöður er að ræða er rík áhersla lögð á sjálfstæði í starfi, áhuga á þátttöku í uppbyggingu og mótun nýrrar þjónustu, sem og getu til að vinna í þverfaglegu teymi. Starfið býður uppá mikla möguleika til að vaxa í starfi og móta og þróa nýtt starf og nýtt teymi.

Geðþjónustan leggur áherslu á að styðja við vöxt og þróun í starfi, meðal annars með því að bjóða upp á handleiðslu og starfsþróunarár fyrir bæði nýja og reynda hjúkrunarfræðinga.

Starfshlutfall er 80-100%, unnið er í dagvinnu og er upphaf starfa samkomulag.

Menntunar- og hæfniskröfur

Íslenskt hjúkrunarleyfi

Faglegur metnaður, sjálfstæð vinnubrögð og einlægur áhugi á öldrunargeðþjónustu

Reynsla af öldrunar- og/ eða geðhjúkrun er kostur

Reynsla af fjölskylduvinnu er kostur

Sveigjanleiki og lipurð í mannlegum samskiptum

Jákvætt hugarfar og áhugi á að starfa í þverfaglegu teymi

Góð íslensku og ensku kunnátta

Helstu verkefni og ábyrgð

Mótun nýs starfs

Ráðgjöf, hvatning og fræðsla til sjúklinga og aðstandenda

Mat á einkennum geðrænna einkenna og heilsufarsmat

Þátttaka í teymisvinnu og samvinna við önnur teymi/stofnanir

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna

Tungumálahæfni: íslenska 3/5, enska 3/5

Nánari upplýsingar

Júlíana Guðrún Þórðardóttir, julianag@landspitali.is,

Göngudeild lyndisraskana

Hringbraut

101 Reykjavík

Auglýsing birt23. október 2024

Umsóknarfrestur22. nóvember 2024

Tungumálahæfni

Íslenska

Nauðsyn

Meðalhæfni

Enska

Nauðsyn

Meðalhæfni

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (48)

Sjúkraliði á göngudeild innkirtla- og gigtarsjúkdóma / Afleysingastaða