Læknir í ofnæmis- og ónæmislækningum

Laust er til umsóknar 100% stöðuhlutfall, eða eftir nánara samkomulagi, sérfræðilæknis við ofnæmisgöngudeild og ónæmisfræðideild Landspítalans.

Á deildunum er fjölbreytt starfsemi. Þar er veitt sérhæfð þjónusta til að greina ofnæmis- og ónæmissjúkdóma og eru með leiðandi hlutverk á Íslandi í rannsóknum, greiningu, mati og meðferð sjúklinga með ofnæmis- og ónæmissjúkdóma. Ónæmisfræðideildin býður uppá fjölbreyttar rannsóknaraðferðir til að nota í rannsóknum, til greiningar, meðferðar og mats á van- eða ofstarfsemi ónæmiskerfisins. Á göngudeildinni fer fram greining, ráðgjöf og meðferð ofnæmis og ónæmissjúkdóma.

Meginstarfsemi deildarinnar skiptist í eftirfarandi þætti.

• Klínísk göngudeildarþjónusta fyrir sjúklinga með ofnæmi, (loftborið, fæðuofnæmi, lyfjaofnæmi), astma, sjálfsofnæmi, ónæmisbilanir og önnur ónæmisvandamál.
• Þjónustu- og greiningarrannsóknir á sviði ónæmisfræði þar sem boðið er upp á fjölda rannsóknaraðferða fyrir ofnæmis-, ónæmis- og gigtarsjúkdóma.
• Kennsla og þjálfun heilbrigðisstarfsfólks og nema.
• Vísindarannsóknir, bæði grunnvísindi og klínískar rannsóknir á sviði ofnæmis- og ónæmisfræði.

Ónæmisfræðideildin veitir alhliða ónæmisfræðiþjónustu og er eina deild sinnar tegundir á Íslandi. Deildin rekur sérhæfðar rannsóknir til að greina og fylgja eftir sjúkdómum í ónæmiskerfinu og notar til þess margvíslegar rannsóknaraðferðir. Þar fer fram öflug kennsla, þjálfun og vísindarannsóknir í samvinnu við ýmsa aðila innan og utan spítalans og deildin er í formlegum tengslum við læknadeild Háskóla Íslands. Árið 2023 fékk deildin viðurkenningu World Allergy Organization sem "Center of Excellence" sem er alþjóðleg viðurkenning á starfsemi deildarinnar sem snýr að klínískri þjónustu við sjúklinga, vísindum og kennslu. Vinnuandi á deildinni einkennist af samvinnu, lipurð, stuðningi, metnaði og góðum liðsanda. Unnið er í öflugum þverfaglegum teymum innan og utan deildar og í nánu samstarfi við aðrar starfsemi spítalans.