Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðilæknir við líknardeild

Laust er til umsóknar starf sérfræðilæknis við líknardeild Landspítala í Kópavogi. Starfið hentar vel sérfræðilækni sem vill bæta við sig reynslu í líknarlækningum. Starfshlutfall er 50-100% og er upphaf starfs eftir samkomulagi.

Einnig kemur til greina að ráða 1-2 sérfræðilækna sem vilja bæta við sig sérþekkingu í líknarlækningum en í skertu starfshlutfalli og til skemmri tíma. Hentar sérstaklega vel heimilis-, öldrunar- og lyflæknum sem sinna líknarþjónustu í sínu daglega starfi, t.d á hjúkrunarheimili.

Deildin heyrir undir krabbameinsþjónustu Landspítala og samanstendur af 12 rúma legudeild, göngudeild og sérhæfðri líknarheimaþjónustu. Unnið er í náinni samvinnu við líknarráðgjafateymi/ líknarteymi spítalans.

Skapað verður tækifæri fyrir sérfræðilækninn til þess að sinna afmörkuðu rannsóknarverkefni tengt deildinni. Æskilegt er að viðkomandi taki þátt í vaktþjónustu við eininguna.

Menntunar- og hæfniskröfur

Íslenskt sérfræðileyfi

Áhugi á líknarlækningum

Jákvætt viðmót og hæfni í mannlegum samskiptum

Hæfni og geta til að vinna í teymi

Fagleg vinnubrögð

Íslenskukunnátta æskileg

Helstu verkefni og ábyrgð

Almenn störf á legudeild og vinna við inn- og útskriftir

Læknisþjónusta við sérhæfða líknarheimaþjónustu (HERA) og líknarráðgjafateymi/ líknarteymi

Vinna við meðferð sjúklinga á göngudeild

Þátttaka í kennslu í líknarlækningum á vegum Líknarmiðstöðvar Landspítala

Starfshlutfall: 50-100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins.

Allar umsóknir þurfa að fara í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá þar sem tilgreind er reynsla af kennslu, vísindavinnu, gæðavinnu og stjórnunarstörfum
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed
Kynningarbréf með rökstuðningi fyrir hæfni og sýn á starfið

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Sérfræðilæknir,

Nánari upplýsingar

Arna Dögg Einarsdóttir, arnae@landspitali.is, 825-3610

Líknardeild Kópavogi læknar

Kópavogsbraut 5-7

200 Kópavogur

Auglýsing birt4. nóvember 2024

Umsóknarfrestur28. nóvember 2024

Tungumálahæfni

Engar sérstakar tungumálakröfur

Staðsetning

Kópavogsbraut 5B, 200 Kópavogur

Starfstegund

Starfsgreinar

Starfsmerkingar

Fleiri störf (46)