Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Deildarstjóri ræstingaþjónustu

Rekstrar- og mannauðsvið Landspítala leitar að öflugum deildarstjóra ræstingaþjónustu til að leiða metnaðarfullt starf, uppbyggingu og þróun deildarinnar sem fyrirhuguð er á næstu árum.

Ræstingaþjónusta Landspítala sér um að vinna eftir skipulagi sem tryggir að húsnæði spítalans (105.000 m2) sé til fyrirmyndar og gæði ræstinga séu í samræmi við skilgreind gæði. Deildarstjóri þarf að vera með einstaklingsvottun í þekkingarstigi 3 og 4 samkvæmt Insta 800 staðlinum, ásamt því að hafa setið námskeið viðurkennds aðila og framkvæmt skoðanir í hreinlætisstaðlinum DS 2451-10. Deildarstjóri vinnur náið með ræstingastjórum að daglegu skipulagi ásamt því að bera ábyrgð á daglegri ræstingu, áætlanagerð og heildarskipulagi hreingerninga ásamt framkvæmd skoðana í samræmi við staðlana.

Leitað er að einstaklingi með framúrskarandi leiðtoga- og samskiptahæfni, getu til að stjórna breytingum og móta jákvætt starfsumhverfi. Viðkomandi þarf að búa yfir frumkvæði, drifkrafti og brennandi áhuga á að starfa með stjórnendum, starfsfólki og aðilum innan og utan spítalans að framþróun og umbótum í þjónustu sem styður við stefnu Landspítala.

Starfshlutfall er 100% og er starfið laust samkvæmt samkomulagi.

Menntunar- og hæfniskröfur

Framúrskarandi leiðtoga- og samskiptahæfileikar

Jákvætt lífsviðhorf og lausnamiðuð nálgun

Frumkvæði, drifkraftur og stefnumótandi hugsun

Stjórnunarreynsla af sambærilegri starfsemi

Háskólamenntun sem nýtist í starfi

Krafa um að hafa unnið og framkvæmt skoðanir í ræstingum á sjúkrahúsi í samræmi við gæðastaðla Insta 800 og DS 2451-10

Einstaklingsvottun í þekkingarstigi 3 og 4 samkvæmt Insta 800 staðlinum

Gott vald á íslensku og ensku

Helstu verkefni og ábyrgð

Ábyrgð á faglegri þróun, starfsmannamálum og fjármálum deildarinnar

Stuðla að virkum og góðum samskiptum við deildir spítalans og framúrskarandi þjónustu með öryggi og vellíðan sjúklinga og starfsfólks spítalans að leiðarljósi

Tryggja árangursríkt samstarf og góð samskipti innan deildarinnar, skýrt verklag, gæði og fagmennsku

Vinna með stjórnendum og starfsfólki að framþróun og umbótum í þjónustu, verklagi og umhverfi starfseminnar

Stefnumótun deildarinnar, áætlanagerð og eftirfylgni

Skipulag reglubundinna skoðana, sótthreinsiþrifa, eftirlit með verklagi og árangri

Samskipti við verktaka/framkvæmdaraðila

Þátttaka í umbóta- og þróunarverkefnum á deild og sviði

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: deildarstjóri, stjórnunarstarf, ræstingaþjónusta,

Nánari upplýsingar

Gunnar Ágúst Beinteinsson, gunnarab@landspitali.is,

Árný Ósk Árnadóttir, arnyo@landspitali.is,

Ræsting

Hringbraut

101 Reykjavík

Auglýsing birt30. október 2024

Umsóknarfrestur11. nóvember 2024

Tungumálahæfni

Engar sérstakar tungumálakröfur

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (44)

Vöru- og verkefnastjóri í heilbrigðistækni á þróunarsviði