Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunardeildarstjóri hjartadeildar

Starf hjúkrunardeildarstjóra hjartadeildar á Landspítala er laust til umsóknar. Við leitum að öflugum og metnaðarfullum stjórnanda til að leiða og þróa starfsemi deildarinnar, efla þverfaglegt samstarf og byggja upp góða liðsheild og menningu sálræns öryggis. Starfið felur í sér náið samstarf við forstöðuhjúkrunarfræðing, aðstoðardeildarstjóra, yfirlækni og annað samstarfsfólk.

Hjartadeild Landspítala er eina sérhæða hjartadeildin á landinu og veitir fjölbreytta þjónustu, þar á meðal greiningu, meðferð og eftirfylgni fyrir hjartasjúklinga. Á hjartadeild fer fram fjölbreytt starfsemi allan sólarhringinn og þar starfar öflugt teymi sérfræðinga á sviði hjartasjúkdóma. Lögð er áhersla á teymisvinnu með það að markmiði að skapa jákvæðan og hvetjandi starfsanda þar sem starfsmenn fá tækifæri til að taka þátt í umbótarvinnu samhliða daglegum störfum. Við leggjum sérstaka áherslu á jákvæðni, fagmennsku og virðingu gagnvart skjólstæðingum og samstarfsfólki.

Hjúkrunardeildarstjóri er leiðtogi með faglega ábyrgð, starfsmannaábyrgð og fjárhagslega ábyrgð. Næsti yfirmaður er forstöðuhjúkrunarfræðingur hjartaþjónustu.

Starfshlutfall: 100%. Starfið veitist frá 1. mars 2025 eða eftir samkomulagi.

Menntunar- og hæfniskröfur

Íslenskt hjúkrunarleyfi

Starfsreynsla sem hjúkrunarfræðingur

Framhaldsmenntun í hjúkrun og/eða önnur framhaldsmenntun á háskólastigi sem nýtist í starfi er kostur

Farsæl reynsla af uppbyggingu og stýringu mannauðs er kostur

Farsæl reynsla af stjórnun og rekstri er kostur

Leiðtogahæfni, áhugi og vilji til að leiða breytingar og umbætur

Framúrskarandi samskiptahæfni og jákvætt viðmót, og lífsviðhorf og lausnamiðuð nálgun

Hæfni til að leiða teymi og vinna að sameiginlegum markmiðum

Sýn og hæfni til að stuðla að faglegri þróun hjúkrunar auk gæða- og öryggismála

Frumkvæði og metnaður til að ná árangri

Mjög góð íslenskukunnátta og í ræðu og riti

Helstu verkefni og ábyrgð

Fagleg ábyrgð: Uppbygging, þróun og skipulagning starfseminnar. Setur markmið um gæði og öryggi og tryggir eftirfylgni. Tekur þátt í vísinda- og rannsóknarstarfi

Starfsmannaábyrgð: Uppbygging mannauðs og dagleg stjórnun starfsfólks deildarinnar

Fjárhagsleg ábyrgð: Stjórnun rekstrarkostnaðar deildarinnar

Forysta: Tekur þátt í áframhaldandi uppbyggingu, skipulagningu og þróun deildarinnar í samráði við forstöðuhjúkrunarfræðing og yfirlækni

Gæði og öryggi: Tryggir að öryggis-, gæða- og umbótastarfi sé framfylgt og stuðlar að menningu sálræns öryggis

Samstarf: Er virkur þátttakandi í samstarfi stjórnenda hjartaþjónustu Landspítala

Stefna og áherslur: Framfylgir stefnu og áherslum framkvæmdastjórnar Landspítala

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfi
Ferilskrá ásamt kynningarbréfi með rökstuðningi fyrir hæfni og sýn á starfið

Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, deildarstjóri, stjórnunarstarf

Tungumálahæfni: íslenska 4/5

Nánari upplýsingar

Bylgja Kærnested, bylgjak@landspitali.is, 825-5106

Anna Dagný Smith, annads@landspitali.is, 825-3675

Skrifstofa hjarta-, augn- og krabbameinsþjónustu

Skaftahlíð 24

105 Reykjavík

Auglýsing birt21. janúar 2025

Umsóknarfrestur4. febrúar 2025

Tungumálahæfni

Íslenska

Nauðsyn

Mjög góð

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (50)