Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sumarstörf 2025 - Nemi í sjúkraþjálfun

Laus eru til umsóknar fjölbreytt sumarstörf fyrir nema í sjúkraþjálfun fyrir sumarið 2025.

Störfin eru á bráðadeildum í Fossvogi og Hringbraut, endurhæfingardeildum á Landakoti og Grensási. Starfshlutfall er 100% eða eftir samkomulagi.

Sumarstörf verða ekki auglýst sérstaklega niður á deildir/ þjónustukjarna svo vinsamlega skráið óskir um deildir/ þjónustukjarna í reitinn "annað" neðst á umsóknareyðublaðinu og forgangsraðið þar sem númer eitt er fyrsta val.

Áhugasamir eru hvattir til að sækja um sem fyrst. Mikilvægt er að umsókn sé vel fyllt út og með umsókninni fylgi staðfest yfirlit yfir lokin námskeið með ECTS einingum. Unnið verður úr umsóknum jafnóðum og þær berast.

Landspítali er suðupunktur þekkingar, þróunar og þverfaglegrar samvinnu. Lögð er áhersla á fagmennsku, framþróun og stöðugar umbætur. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Menntunar- og hæfniskröfur

Sérstök árvekni í starfi vegna öryggisþátta við sjúklinga

Hæfni í mannlegum samskiptum og þverfaglegu samstarfi

Sjálfstæði og frumkvæði í vinnubrögðum og skipulagshæfni

Góð íslenskukunnátta

Einstaklingur þarf að hafa náð 18 ára aldri að lágmarki

Helstu verkefni og ábyrgð

Móttaka og skráning sjúklinga í þjálfun

Öryggisvarsla og eftirlit með sjúklingum á þjálfunarsvæði

Aðstoða sjúkraþjálfara við meðferð sjúklinga

Starfa í samræmi við stefnu og starfsreglur sjúkraþjálfunar

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi

Með umsókn skal fylgja

Staðfesting á um hversu mörgum ECTS einingum er lokið þegar störf hefjast.
Starfsferilskrá þar sem nám og fyrri starfsreynsla er tilgreind.

Forsenda ráðningar sem háskólanemi hjá Landspítala er að viðkomandi skili staðfestum gögnum um námsframvindu um leið og þau liggja fyrir að loknu vormisseri.

Stjórnendur hafa samband við þá umsækjendur sem þeir hafa hug á að bjóða í viðtal. Öllum umsóknum verður svarað að ráðningum loknum. Tekið er mið af jafnréttisstefnu Landspítala við ráðningar á spítalanum.

Athugið að sækja þarf sérstaklega um ótímabundin störf sem auglýst eru á Landspítala.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerking: Heilbrigðisþjónusta, sjúkraþjálfunarnemi, sjúkraþjálfun

Nánari upplýsingar

Ragnheiður S Einarsdóttir, [email protected],

Landspítali

Skaftahlíð

105 Reykjavík

Auglýsing birt10. janúar 2025

Umsóknarfrestur28. febrúar 2025

Tungumálahæfni

Engar sérstakar tungumálakröfur

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (50)

Sumarstörf 2025 - Spennandi tækifæri fyrir aðstoðarlyfjafræðing eða lyfjafræðing