Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Áfyllingar og vörudreifingar fyrir ELMU matsali

Veitingaþjónusta Landspítala óskar eftir þjónustumiðuðum einstaklingi til að taka þátt í umbreytingu á spennandi starfsemi inn í nýja tíma sem framundan eru. Veitingaþjónusta heyrir undir Rekstrar- og mannauðssvið og rekur eitt stærsta framleiðslueldhús á Íslandi, þar sem daglega eru framleiddar um 6.000 einingar fyrir sjúklinga, aðstandendur og starfsfólk. Deildin rekur einnig 9 matsali og 2 kaffihús undir nafninu ELMA matsalir. Hjá Veitingaþjónustu starfa rúmlega 100 einstaklingar í samhentri deild og fást við fjölbreytt og skemmtileg verkefni.

Megin ábyrgð starfs er að sinna dreifingu á vörum og hráefnum til útstöðva ELMU matsala, þar sem um er að ræða bæði eldaðan mat, rekstrarvörur og endursöluvörur fyrir matsali ELMU. Vörudreifing fer fram frá Hringbraut og Fossvogi alla virka daga og þjónustan nær yfir svæðið frá Tunguhálsi og Kópavogi til vesturbæjar Reykjavíkur. Um er að ræða starf í dagvinnu.

Við leitum að þjónustumiðuðum, áreiðanlegum og sjálfstæðum aðila sem ber ábyrgð á að tryggja óskerta þjónustu við viðskiptavini ELMU með viðhaldi vöruframboðs í kælum og dreifingu matarbakka og vagna í hádegi alla virka daga. Starfið felur einnig í sér umsjón á bifreið og ábyrgð á vörum sem dreift er til matsala.

Menntunar- og hæfniskröfur

Bílpróf og reynsla af akstri

Meirapróf er æskilegt

Ábyrgð, nákvæmni og góð skipulagshæfni

Jákvætt viðmót og lausnamiðað viðhorf

Góð umgengni við og viðhald á bifreiðum

Jákvætt lífsviðhorf og framúrskarandi samskiptafærni

Helstu verkefni og ábyrgð

Vörudreifing: Dreifa matarbökkum, salati og öðrum vörum til matsala ELMU samkvæmt pöntunum

Áfylling og viðhald kæla: Fylgja áfyllingarplani fyrir ELMU kæla og tryggja að vöruúrval sé í samræmi við þarfir

Ábyrgð á bifreið: Notkun sendibíls til að framkvæma dagleg verkefni, þar á meðal viðhald og þrif á bílnum til að tryggja öruggan akstur

Vörustjórnun: Fylgja fyrst inn, fyrst út (FIFO) hugmyndafræði við röðun vara og tryggja rétta meðhöndlun þeirra

Mæting við þjónustulokun: Mæta við þjónustulokun og tryggja að allar vörur séu rétt dreifðar og verkefni kláruð á réttum tíma

Samvinna og aðstoð: Starfsmaður mun einnig aðstoða við ferðir milli útstöðva og önnur verkefni eftir þörfum, með það að markmiði að tryggja að þjónusta ELMU gangi greiðlega

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi, ef við á. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Tungumálahæfni: Íslenska 3/5, enska 3/5

Starfsmerkingar: Heilbrigðisþjónusta, almennt starf, bílstjóri, veitingaþjónusta, áfyllingar

Nánari upplýsingar

Viktor Ellertsson, [email protected], 5431517

Veitingaþjónusta sameiginlegt

Hringbraut

101 Reykjavík

Auglýsing birt6. febrúar 2025

Umsóknarfrestur17. febrúar 2025

Tungumálahæfni

Íslenska

Nauðsyn

Meðalhæfni

Enska

Nauðsyn

Meðalhæfni

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)