Urriðaholtsskóli

Urriðaholtsskóli óskar eftir deildarstjórum á leikskólastig

Urriðaholtsskóli er samrekinn leik- og grunnskóli í Garðabæ. Auglýst er eftir leikskólakennara til að taka þátt í að móta og byggja upp skólasamfélag þar sem áhersla er á skapandi starf með einstaklinginn í fyrirrúmi.

Þetta skólaár eru leikskólabörn á 7 deildum frá þriggja til 5 ára og gert er ráð fyrir að leikskólabörnum fjölgi á næsta skólaári og að skólastigið verði heilstætt hvað aldur varðar. Auglýst er eftir deildarstjórum á 3 deildir.
Teymiskennsla er einkennandi fyrir starfshætti skólans bæði á meðal nemenda og starfsmanna, svo og milli skólastiga. Gildi skólans eru: Virðing, ábyrgð og umhverfi. Starfsumhverfi er gott og lögð áhersla á að vinna eftir gagnreyndum aðferðum.

Helstu verkefni og ábyrgð

Vinnur að uppeldi og menntun barna
Að stýra daglegu fagstarfi deildar og skipulagi
Vinnur að áætlanagerð og mati á námi barna og starfi leikskólans
Er hluti af stjórnendateymi leikskólastigs
Foreldrasamstarf

Menntunar- og hæfniskröfur

Leyfisbréf til kennslu* (leyfisbréf fylgi umsókn)
Að lágmarki 90 námseiningar á einu námssviði aðalnámskrár og menntunarfræði leikskóla
Reynsla af starfi á leikskólastigi eða starfi með börnum er æskileg
Íslenskukunnátta á stigi B2 samkvæmt evrópska tungumálarammanum
Reynsla af teymisvinnu æskileg
Sjálfstæði, sveigjanleiki, frumkvæði og góð samskiptahæfni
Vera tilbúinn að fylgja stefnu skólans, að vinna með öðrum og um leið búa yfir frumkvæði og getu til að vinna sjálfstætt

*Fáist ekki starfsmaður með leyfisbréf til kennslu kemur til greina að ráða háskólamenntaðan einstakling tímabundið til starfa sbr. lög nr. 95/2019.

Fríðindi í starfi

Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi. Einnig er til staðar sérverkefnasjóður sem styður enn frekar við skólastarfið.

Umsóknarfrestur er til og með 3. febrúar 2025. Gert er ráð fyrir að ráðning taki gildi ekki síðar en 1. apríl. Um 100% stöðu er að ræða.

Nánari upplýsingar um starfið veitir Þorgerður Anna Arnardóttir skólastjóri Urriðaholtsskóla, s. 5919500, netfang thorgerduranna@urridaholtsskoli.is og Þórey Huld Jónsdóttir aðstoðarskólastjóri leikskólastigs Urriðaholtsskóla, netfangið thoreyjo@urridaholtsskoli.is

Launakjör eru samkvæmt kjarasamningi Sambands íslenskra sveitarfélaga og Kennarasambands Íslands.
Áhugasamir einstaklingar, án tillits til kyns, eru hvattir til að sækja um.
Umsækjendur eru beðnir um að sækja um með því að smella á Skrá inn og sækja um starf hér fyrir neðan.

Hlunnindi í starfi

Á leikskólastigi Urriðaholtsskóla er vikuleg vinnuskylda 36 stundir en unnar eru 38 stundir á viku og tveimur tímum safnað upp í frídaga. Sérstök skráning barna er í vetrar- og jólafríi en lokað er í dymbilviku, sem og 2. janúar vegna dreifingar vinnutíma starfsfólks
Leikskólinn er opinn frá kl 07:30-16:30 mánudaga til fimmtudaga en frá 07:30-16:00 á föstudögum
25% stöðugildi á hverri deild vegna snemmtækrar íhlutunar
Skipulagsdagar eru fimm á skólaári og eru skipulagsdagar í leik- og grunnskólum bæjarins samræmdir
Afsláttur er af leikskólagjöldum fyrir starfsfólk leikskóla með lögheimili í Garðabæ
Heilsuræktarstyrkur fyrir starfsmenn sem ráðnir eru í starfshlutfall að upphæð 20.000 kr. eftir 6 mánuði í starfi
Bókasafnskort fyrir starfsfólk sem ráðið er í starfshlutfall eftir 3 mánuði í starfi
Menningarkort fyrir starfsfólk sem ráðið er í starfshlutfall eftir 3 mánuði í starfi
Sundlaugarkort fyrir starfsfólk sem ráðið er í starfshlutfall eftir 3 mánuði í starfi
Árshátíð er starfsmönnum að kostnaðarlausu
Íslenskunámskeið fyrir erlenda starfsmenn