Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Ráðgjafar/ stuðningsfulltrúar á geðgjörgæslu 32C

Laus eru til umsóknar störf ráðgjafa/ stuðningsfulltrúa á geðgjörgæslu. Á einingunni er veitt sérhæfð þjónusta í meðferð og umönnun einstaklinga með bráð geðræn einkenni.

Á deildinni starfa um 50 einstaklingar í þverfaglegu teymi. Góður starfsandi ríkir á deild sem einkennist af samvinnu og góðum liðsanda. Unnið er á breytilegum dag-, kvöld- og næturvöktum og aðra hverja helgi. Starfið býður uppá tækifæri til þess að kynnast hugmyndafræði um geðgjörgæslu og fá að taka þátt í öflugu umbótastarfi á deild. Ráðið er í starfið frá og með 10. ágúst 2024 eða skv. samkomulagi.

Helstu verkefni og ábyrgð

Virk þátttaka í hjúkrun og meðferð inniliggjandi sjúklinga

Umönnun fólks með bráð geðræn einkenni

Virk þátttaka í varnarteymi geðsviðs og stuðningur við öryggi sjúklinga og starfsfólks

Þátttaka í þverfaglegu samstarfi

Samskipti, hvatning, leiðbeiningar og víðtækur stuðningur

Ýmis fjölþætt þátttaka í umbótastarfi

Menntunar- og hæfniskröfur

Menntun sem nýtist í starfi, að lágmarki stúdentspróf

Viðbótarmenntun eða reynsla af vinnu með einstaklingum með geðrænan vanda er æskileg

Góð samstarfshæfni, færni í samskiptum, samkennd, skapandi hugsun og frumkvæði

Jákvætt hugarfar, metnaður og áhugi á að starfa í þverfaglegu teymi

Stundvísi og áreiðanleiki

Góð almenn tölvukunnátta

Íslenskukunnátta, bæði í mæltu og rituðu máli

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, ráðgjafi/ stuðningsfulltrúi, starfsmaður, almenn störf, nemi

Nánari upplýsingar

Jóhanna Guðmunda Þórisdóttir, johathor@landspitali.is,

Snæfríður Jóhannesdóttir, snaefrij@landspitali.is,

Geðgjörgæsla

Hringbraut

101 Reykjavík

Auglýsing stofnuð2. júlí 2024

Umsóknarfrestur15. júlí 2024

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (46)