Forstöðulæknir hjartaþjónustu
Landspítali auglýsir laust til umsóknar starf forstöðulæknis hjartaþjónustu frá 1. september 2024 eða eftir nánara samkomulagi samkvæmt nýju skipuriti spítalans sem tók gildi 1. apríl 2024.
Forstöðulæknir starfar innan hjarta-, augn- og krabbameinsþjónustu og leiðir sérfræðilækna hjartaþjónustu.
Hlutverk forstöðulæknis er að þróa þjónustu við sjúklinga innan hjartaþjónustu og vinna að samhæfingu við aðra starfsemi spítalans í samræmi við stefnu og starfsáætlun Landspítala.
Forstöðulæknir heyrir undir framkvæmdastjóra og myndar ásamt öðrum forstöðumönnum sviðsstjórn og ber með þeim ábyrgð á stefnumótun og rekstri.
Forstöðulæknir leiðir ásamt forstöðuhjúkrunarfræðingi teymi framlínustjórnenda, þ.e. yfirlækna og deildarstjóra, sem hafa það sameiginlega verkefni að samhæfa, efla og þróa þá þjónustu sem veitt er á öruggan, faglegan og hagkvæman hátt. Forstöðulæknir ber ríkar og gagnkvæmar skyldur til samvinnu, samráðs og uppbyggingar teymisvinnu.
Leitað er að kraftmiklum leiðtoga, með klínískan bakgrunn, sem hefur brennandi áhuga á að vinna að því að byggja upp sterka liðsheild og að framfylgja stefnu, markmiðasetningu og framtíðarsýn spítalans.
Um er að ræða 100% starf. Auk stjórnunarhlutverks er gert ráð fyrir þátttöku í klínísku starfi í samráði við framkvæmdastjóra.
