Frístundamiðstöðin Bungubrekka

Frístundamiðstöðin Bungubrekka hefur yfirumsjón á skipulagningu og rekstri á því frístundastarfi sem sveitarfélagið ber ábyrgð á og býður upp á. Þar má nefna frístundaheimilið sem er þjónusta fyrir börn í 1.-4. bekk, félagsmiðstöðina sem er þjónusta fyrir börn og unglinga í 5.-10. bekk ásamt skipulögðu frístundastarfi yfir sumartíman fyrir fjölbreytta aldurshópa.

Vinnustaðurinn

Forstöðumaður

Við leitum að einstaklingi sem hefur metnað og áhuga til að leiða áfram farsælt frístundastarf í frístundamiðstöðinni Bungubrekku. Frístundastarfið í Bungubrekku fékk tilnefningu til íslensku menntaverðlauna 2023. Hveragerðisbær er stoltur af starfsemi Bungubrekku og leitar eftir öflugum leiðtoga til starfa sem hefur skýra framtíðarsýn og er tilbúinn að bætast í og leiða frábæran starfsmannahóp.

Helstu verkefni og ábyrgð

Ábyrgð á daglegum rekstri og skipulagi
Mannauðsmál og leiðtogahlutverk frístundamiðstöðvar
Stýrir faglegu starfi, stefnumótun og þróun innra starfs í samræmi við stefnu bæjarins
Sér til þess að til staðar séu áætlanir um framkvæmd þjónustunnar, að þær séu endurskoðaðar reglulega og þeim framfylgt við framkvæmd þjónustunnar í samræmi og þá verkferla, reglur og lög er varða frístundamál sveitafélaga
Frumkvæði í samskiptum og aðgerðum til að styðja við og styrkja forvarnamál og þjónustu í frístundum
Seta í nefndum og ráðum er varða starfið
Samstarf og samvinna við lykilstofnanir innan sem utan sveitarfélagsins

Menntunar- og hæfniskröfur

Háskólamenntun sem nýtist í starfi, t.a.m tómstundafræðum er kostur
Reynsla af sambærilegu starfi æskileg
Haldbær reynsla af mannaforráðum, rekstri og áætlanagerð æskileg
Reynsla af breytingastjórnun, umbótastarfi og skipulagi teymisvinnu
Þekking á og geta til að starfa í anda þeirra meginhugmynda um gildi frístundaþjónustu
Framúrskarandi færni í mannlegum samskiptum, jákvæðni, góðir skipulagshæfileikar og lausnamiðuð nálgun
Leiðtogafærni og eiginleiki til að taka þátt í og stýra breytingum og þróunarstarfi
Framúrskarandi íslenskukunnátta og hæfni til að setja fram mál í ræðu og riti
Góð tölvukunnátta og geta til að tileinka sér nýja hluti er viðkoma tæknilausnum í starfi
Sjálfstæð og vönduð vinnubrögð, frumkvæði og metnaður til að halda góðu starfi áfram í blóma

Frístundamiðstöðin leiðir frístundastarf ólíkra hópa á ólíkum aldri fyrir sveitafélagið Hveragerði. Starfið hefur verið í mótun undanfarin ár og metnaður mikill að horfa til þess að viðhalda og efla þjónustuna til framtíðar. Við Bungubrekku starfar kraftmikill hópur starfsmanna og hefur starfsmannavelta verið lítil. Menntunarstig starfsmanna er hátt og tækifæri til áframhaldandi þróunar mikil.

Umsóknir óskast fylltar út á www.hagvangur.is með ferilskrá og kynningarbréfi.

Nánari upplýsingar veitir Geirlaug Jóhannsdóttir, geirlaug@hagvangur.is

Auglýsing stofnuð27. júní 2024

Umsóknarfrestur15. júlí 2024

Tungumálahæfni