Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Verkefnastjóri á sviði fræðslumála

Menntadeild Landspítala leitar að öflugum einstaklingi, til að leiða margvísleg verkefni og þróun á sviði fullorðinsfræðslu og starfsþróunar heilbrigðisstarfsfólks. Á menntadeild starfar fjölbreyttur hópur verkefnastjóra að sí- og endurmenntun klínísks heilbrigðisstarfsfólks þvert á spítalann, með það fyrir augum að bæta öryggi sjúklinga og starfsmanna og auka gæði þjónustunnar. Klínískt nám og þjálfun nemenda heilbrigðisvísindagreina og starfsfólks er snar þáttur í starfsemi spítalans, en menntadeildin er þar í farabroddi. Menntadeildin sér m.a. um rekstur og þróun kennslu - og hermisetur spítalans og innleiðingu stafræns fræðslukerfis sem nýverið var tekið í notkun, auk þess að koma að skipulagi klínísks náms.

Hafir þú þekkingu og áhuga á kennslufræði, skipulagshæfileika og getu til að starfa sjálfstætt gæti starfið hentað þér.

Starfshlutfall er 100% og er starfið laust frá 20. ágúst 2024 eða samkvæmt samkomulagi.

Helstu verkefni og ábyrgð

Starfa samkvæmt verklagi menntadeildar við endurskoðun, þróun og stjórn verkefna og uppfærslu fræðsluefnis

Stuðningur við stjórnendur og starfsfólk við val og gerð fræðsluefnis og nýtingu stafræns fræðslukerfis

Miðlun þekkingar m.a. í kennslufræði, framsetningu og gerð fræðsluefnis, skipulagningu, skráningu og mat námskeiða og stuðlar að því að námsmarkmið náist

Innleiðing, upplýsingagjöf og þjónusta vegna Eddu - fræðslukerfis Landspítala

Þverfagleg samvinna: Vinnur náið með stjórnendum, hagsmunaaðilum og leiðbeinendum þvert á deildir Landspítala

Menntunar- og hæfniskröfur

Háskólamenntun á sviði kennslu/menntunarfræða eða heilbrigðisvísindum. Meistarapróf æskilegt

Reynsla af kennslu eða fræðslu fullorðinna

Metnaður, frumkvæði og geta til að starfa sjálfstætt að flóknum verkefnum

Leiðtoga og skipulagshæfni, jákvæðni og lausnamiðuð nálgun

Færni í mannlegum samskiptum, upplýsingamiðlun og teymisvinnu

Þekking og skilningur á upplýsingatækni

Þekking á starfsumhverfi heilbrigðisstofnana er kostur

Mjög góð íslensku- og enskukunnátta í rituðu og töluðu máli

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, verkefnastjóri, kennari, heilbrigðisvísindi,

Nánari upplýsingar

Hrund Scheving Thorsteinsson, hrundsch@Landspitali.is,

Eyrún Steinsson, eyrunst@landspitali.is,

Menntadeild

Skaftahlíð 24

105 Reykjavík

Auglýsing stofnuð27. júní 2024

Umsóknarfrestur9. júlí 2024

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (35)