Síminn

Síminn er traust og framsækið fyrirtæki á sviði fjarskipta og afþreyinga sem vill laða til sín framúrskarandi starfsfólk. Við erum fjölskylduvænn vinnustaður og leggjum áherslu á sterka liðsheild, hvetjandi starfsumhverfi og tækifæri til starfsþróunar og vaxtar. Hjá okkur hefur þú aðgang að framúrskarandi mötuneyti, fyrsta flokks kaffihúsi ásamt frábæru samstarfsfólki auk þess sem boðið er upp á búningsaðstöðu fyrir starfsfólk. Við viljum hafa gaman í vinnunni og bjóðum reglulega upp á fjölbreytta innanhúss viðburði af ýmsu tagi. Ef þú ert að leita að spennandi verkefnum, frábæru samstarfsfólki og lifandi vinnuumhverfi þá er Síminn góður kostur fyrir þig. Síminn hlaut jafnlaunavottun Jafnréttisstofu árið 2018, fyrst allra fjarskiptafyrirtækja á Íslandi. Í anda jafnréttisstefnu Símans hvetjum við öll kyn til að sækja um hjá Simanum. Gildi Simans eru einfaldleiki og framsækni.

Vinnustaðurinn

Sérfræðingur í upplifun viðskiptavina

Við leitum að öflugum einstaklingi með víðtæka reynslu af verkefnastjórnun umbótaverkefna í starf sérfræðings í upplifun viðskiptavina. Í hlutverkinu felst að tryggja að framúrskarandi upplifun viðskiptavina sé höfð í forgrunni við alla ákvarðanatöku innan Símans. Hlutverkið felur einnig í sér að hámarka jákvæða upplifun viðskiptavina af þjónustu fyrirtækisins og marka stefnu henni tengt.

Sérfræðingur í upplifun viðskiptavina heyrir beint undir Leiðtoga þjónustu og starfar á sölu- og þjónustusviði Símans ásamt því að vinna náið með öðrum stjórnendum Símans.

Helstu verkefni og ábyrgð

Kortleggja ferðalög viðskiptavina Símans með stafrænar dreifileiðir í fyrirrúmi
Vinna úr gögnum sem tengjast viðskiptavinum og vera rödd þeirra innan Símans
Útfærsla og stýring umbótaverkefna þvert á deildir Símans, með það að markmiði að skapa framúrskarandi upplifun viðskiptavina
Þátttaka á þverfaglegum verkefnum til að tryggja að upplifun viðskiptavina sé ávallt framúrskarandi
Tryggja að þarfir og upplifun viðskiptavina séu hafðar í huga við þróun á nýjum vörum, ferlum og þjónustu

Menntunar- og hæfniskröfur

Háskólamenntun sem nýtist í starfi, t.d. á sviði verkefnastýringar, verkfræði, viðskiptafræði eða í tengdum greinum er kostur
Reynsla af því að leiða umbótaverkefni sem stuðla að framúrskarandi upplifun viðskiptavina er kostur
Reynsla af því að tengja saman þarfir viðskiptavina við vöruþróun eða þróun hugbúnaðarlausna er kostur
Þekking á Jira er kostur
Skipulögð og vönduð vinnubrögð, bæði sjálfstætt og í teymum
Metnaður og umbótasinnuð hugsun
Frumkvæði og kraftur til að hrinda hugmyndum í framkvæmd
Framúrskarandi samskiptahæfni, góð enskukunnátta og þjónustulund

Fríðindi í starfi

Árlegur líkamsræktarstyrkur 
Aðgengi að velferðarþjónustu Heilsuverndar 
Rafmagnsbílastæði, hjólageymslur og búningsaðstaða 
Gleraugnastyrkur 
Afslættir af vörum og þjónustu Símans 
Samgöngustyrkur vegna vistvænna samgangna til og frá vinnu 
Námsstyrkir

Síðan 1906 hefur Síminn tengt heimili og fyrirtæki á Íslandi við umheiminn. Hjá Símanum starfa um 300 einstaklingar sem hafa metnað og þekkingu til að veita framúrskarandi þjónustu byggða á fyrsta flokks tækni. Við byggjum á sterkri liðsheild og kunnum að meta árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Sótt er um starfið á vef Símans. Umsóknarfrestur er til og með 30. júní 2024.

Nánari upplýsingar veitir mannaudur@siminn.is

Í anda jafnréttisstefnu Símans hvetjum við öll kyn til að sækja um.

Auglýsing stofnuð13. júní 2024

Umsóknarfrestur30. júní 2024

Tungumálahæfni