Biðlisti sumarstarfa

Opnað hefur verið fyrir umsóknir á biðlista um sumarstörf fyrir átján ára og eldri hjá Kópavogsbæ. Þau sem eru fædd 2006 eða fyrr geta sótt um.

Störfin eru af margvíslegum toga, s.s. í garðyrkju, á íþróttavöllum eða við umönnun svo eitthvað sé nefnt.

Um er að ræða biðlista sumarstarfa og verður haft samband við umsækjendur ef störf losna sem þegar hefur verið ráðið í.

Í umsóknarferli er hægt að merkja við þau störf sem óskað er eftir en ekki er hægt að lofa að þau störf verði í boði.

Almenn umsókn gildir fyrir öll störf hjá Kópavogsbæ.