Laus störf Hæfnileit Vinnustaðir Námskeið

Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

Vinnustaðurinn

Starfsmaður óskast í Vettvangs- og ráðgjafateymi Reykjavíkurborgar

Reykjavíkurborg leitar að starfsmanni í Vettvangs- og ráðgjafateymi (VoR-teymið innan málaflokks heimilislausra með miklar og flóknar þjónustuþarfir). Um er að ræða nýtt, tímabundið stöðugildi til eins árs sem verður til í tengslum við samstarfssamning milli Reykjavíkurborgar og Hafnarfjarðarbæjar. Um er að ræða fullt starf í vaktavinnu þar sem unnið er á dag-, kvöld-, helgarvöktum. Æskilegast er að viðkomandi geti hafið störf fljótlega.

Vettvangs- og ráðgjafateymi Reykjavíkurborgar (VoR) aðstoðar heimilislaust fólk með miklar og flóknar þjónustuþarfir. VoR veitir einstaklingsmiðaða ráðgjöf og stuðning á vettvangi. Starfsmaður í þessu stöðugildi kemur til með að sinna sérstaklega þjónustu við einstaklinga frá Hafnarfirði sem þurfa sérhæfðan stuðning. Mikið samstarf verður með sértækri heimaþjónustu íHafnarfirði.

VoR teymið veitir ákveðnum hópi fólks í sjálfstæðri búsetu stuðning og ráðgjöf í anda hugmyndafræðinnar um Húsnæði fyrst. Í þjónustunni er tekið mið af skaðaminnkandi nálgun með virðingu fyrir sjálfsákvörðunarrétti einstaklinga að leiðarljósi og til að draga úr skaðlegum áhrifum jaðarsetningar og draga úr skaðsemi og áhættu sem geta fylgt vímuefnanotkun.

Helstu verkefni og ábyrgð

Samstarf og samvinna við sértæka heimaþjónustu í Hafnarfirði.
Upplýsingamiðlun og fræðsla milli teyma.
Veita jaðarsettum hópi fólks stuðning í sjálfstæðri búsetu og ráðgjöf undir formerkjum Húsnæði fyrst hugmyndafræðinnar.
Veita einstaklingum sem glíma við heimilisleysi stuðning á vettvangi.
Virkt notendasamráð – notandi sérfræðingurinn.
Veita íbúum/notendum heildstæða þjónustu í nærumhverfi sínu samkvæmt einstaklingsáætlun.
Stuðningur til sjálfshjálpar og samfélagslegrar þátttöku og virkni.
Stuðningur við samskipti við stofnanir.
Þátttaka í sköpun og þróun nýrra tækifæri fyrir notendur.

Menntunar- og hæfniskröfur

Góð almenn menntun.
Reynsla af starfi með jaðarsettum einstaklingum með fjölþættan vanda.
Framúrskarandi hæfni í mannlegum samskiptum.
Þekking eða áhugi á skaðaminnkandi nálgun, sjálfstæði í vinnubrögðum, skipulagshæfni og frumkvæði.
Sveigjanleiki, þolinmæði og umburðarlyndi.
Íslenskukunnátta B2 (í samræmi við samevrópskan tungumálaramma).
Hreint sakavottorð í samræmi við lög sem og reglur Reykjavíkurborgar.
Ökuréttindi.

Fríðindi í starfi