Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Ráðgjafi/ stuðningsfulltrúi á meðferðareiningu geð- og fíknisjúkdóma

Við óskum eftir að ráða ráðgjafa/stuðningsfulltrúa á meðferðareiningu fíkni- og geðsjúkdóma. Starfshlutfall er 80-100%. Ráðið verður í starfið frá 15. ágúst 2024 eða eftir nánara samkomulagi.

Starfsaðlögun er markviss og einstaklingshæfð og á meðferðareiningunni eru töluverðir möguleikar til starfsþróunar.

Undir meðferðareininguna heyra legudeild, göngudeild, vettvangsgeðteymi (Laufeyjarteymi), dagdeild og afeitrunardeild ólögráða ungmenna. Um er að ræða spennandi og gefandi störf þar sem unnið er í þverfaglegum teymum þvert á meðferðareininguna.

Meðferðareiningin þjónustar fólk með tvíþættan vanda, geðrænan vanda annars vegar og vímuefnavanda hins vegar á mismunandi þjónustustigum. Meðferðarnálgunin er fjölþætt, heildræn og ræðst af þörfum og getu hvers skjólstæðings og aðstandenda hans.

Á meðferðareiningunni eru mikil tækifæri til vaxtar, mikil samvinna er á milli allra deilda einingarinnar.

Helstu verkefni og ábyrgð

Samskipti, hvatning, leiðbeiningar og víðtækur stuðningur við skjólstæðinga og aðstandendur þeirra

Þátttaka í þverfaglegri teymisvinnu

Þátttaka í umbótastarfi og þróun þjónustunnar

Menntunar- og hæfniskröfur

Menntun sem nýtist í starfi er kostur

Starfsreynsla af stuðningi við fólk með geðrænar áskoranir og vímuefnavanda er kostur

Faglegur metnaður og einlægur áhugi á geðhjúkrun og skaðaminnkun

Góð samskiptahæfni er skilyrði

Hæfni til að vinna sjálfstætt og í teymi

Þekking á hugmyndafræði skaðaminnkunar

Jákvætt hugarfar, metnaður og áhugi á að starfa í þverfaglegu teymi

Góð færni í íslensku og ensku, bæði í töluðu og rituðu máli

Góð almenn tölvukunnátta

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Ráðgjafi/ stuðningsfulltrúi, starfsmaður, teymisvinna,

Nánari upplýsingar

Dagbjört Sunna Elvarsdóttir, dagbjore@landspitali.is,

Edda Þórisdóttir, eddatho@landspitali.is,

Móttökugeðdeild fíknimeðferðar

Hringbraut

101 Reykjavík

Auglýsing stofnuð4. júlí 2024

Umsóknarfrestur24. júlí 2024

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (46)