Kópavogsbær

Kópavogur er næststærsta sveitarfélag landsins með rúmlega 40 þúsund íbúa. Nafn bæjarins er dregið af jörðinni Kópavogi sem ríkissjóður átti í byrjun síðustu aldar og leigði út ásamt annarri jörð Digranesi í nágrenni hennar. Kópavogshreppur var stofnaður í byrjun árs 1948 og voru íbúar þá rúmlega 900. Hreppurinn óx hratt og voru íbúar orðnir 3.783 þegar Kópavogur hlaut kaupstaðarréttindi 11. maí árið 1955. Í Kópavogi er mikil og fjölbreytt atvinnustarfsemi. Mest er um iðnað, þjónustu og verslun af ýmsu tagi og má geta þess að Smáralind er stærsta verslunarmiðstöð landsins. Í bænum eru fjölbreytt tækifæri til útivistar og aðstaða til íþróttaiðkunar er með því besta sem þekkist. Þá eru Kópavogsbúar afar stoltir af menningarstofnunum sínum á Borgarholtinu, svo sem Salnum, Gerðarsafni, Náttúrufræðistofu Kópavogs, Tónlistarsafni Íslands og Molanum, ungmennahúsi Kópavogs.

Vinnustaðurinn

Deildarstjóri óskast á skammtímaheimili fólks með fötlun

Velferðarsvið Kópavogsbæjar leitar að metnaðarfullum og áhugasömum þroskaþjálfa, iðjuþjálfa eða öðrum fagaðila í stöðu deildarstjóra á skammtímaheimili fyrir fatlað fólk í Kópavogi. Skammtímaheimilið heyrir undir Skrifstofu starfsstöðva og þróunar sem starfrækt er á grundvelli laga um þjónustu við fatlað fólk með langvarandi stuðningsþarfir. Deildarstjóri tekur þátt í að skipuleggja og leiða faglegt starf í samvinnu við forstöðumann. Deildarstjóri fer með verkstjórn, setur upp áætlanir og aðstoðar við markmiðasetningu ásamt því að fylgjast með eftirfylgni verkefna er tengist daglegu starfi, jafnt innan sem utan starfsstöðvarinnar.

Um er að ræða allt að 100% starf í vaktavinnu og er staðan laus um miðjan ágúst 2024.
Um framtíðarstarf er að ræða.

Helstu verkefni og ábyrgð

Veitir þjónustunotendum einstaklingsmiðaðan, persónulegan stuðning í daglegu lífi, jafnt innan sem utan heimilis.
Sér til þess að þjónustunotendur fái þá þjónustu sem starfsstöðinni ber að veita, með það að markmiði að efla sjálfstæði þeirra og færni sem og getu til að nýta sér almenna þjónustu.
Útbýr þjónustu- og einstaklingsáætlanir með notendum og skipuleggur einstaklingsmiðaða þjálfun inni á heimilinu. Sér til þess að áætlunum sé fylgt eftir.
Veitir starfsfólki faglega ráðgjöf og fræðslu og fylgir eftir settu verklagi á vöktum.
Hefur yfirumsjón með einstaklingsbókum þjónustunotenda.
Tekur þátt í ráðningum á nýju starfsfólki.
Skipuleggur aðlögun nýrra starfsmanna og sér til þess að þeir fái stuðning og fræðslu í starfi.
Samvinna við starfsmenn, aðstandendur og aðra þjónustuaðila.

Menntunar- og hæfniskröfur

Háskólapróf á grunnstigi (BA/BS) á sviði þroska- eða iðjuþjálfa eða önnur menntun á sviði mennta-, hug, eða félagsvísinda sem nýtist í starfi.
Gerð er krafa um starfs- eða stjórnunarreynslu í málefnum fatlaðs fólks.
Reynsla af áætlanagerð er kostur.
Þekking á meginhugmyndum er birtast í lögum um málefni fatlaðs fólks er skilyrði.
Reynsla af markmiðasetningu með fólki er kostur.
Framúrskarandi hæfni í mannlegum samskiptum, ábyrgðarkennd, frumkvæði og metnaður í starfi.
Sjálfstæð og vönduð vinnubrögð, góðir skipulagshæfileikar og lausnamiðuð nálgun.
Jákvæðni og sveigjanleiki í starfi.

Umsókn skal fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni viðkomandi í starfið.

Laun eru samkvæmt kjarasamningum Sambands íslenskra sveitarfélaga við viðkomandi stéttarfélag.

Tekið er mið af jafnréttisstefnu Kópavogsbæjar við ráðningar.

Allir einstaklingar sem ráðnir eru til starfa á velferðarsvið Kópavogsbæjar þurfa að gefa heimild til upplýsingaöflunar úr sakaskrá og undirrita trúnaðaryfirlýsingu.

Umsóknarfrestur er til og með 17. júlí 2024.

Nánari upplýsingar um starfið veitir Sólrún Þrastardóttir forstöðumaður í síma 441-9650, eða í tölvupósti, solrun.th@kopavogur.is

Einungis er hægt að sækja um starfið á Alfreð.

Auglýsing stofnuð3. júlí 2024

Umsóknarfrestur17. júlí 2024

Tungumálahæfni