Kópavogsbær

Kópavogur er næststærsta sveitarfélag landsins með rúmlega 40 þúsund íbúa. Nafn bæjarins er dregið af jörðinni Kópavogi sem ríkissjóður átti í byrjun síðustu aldar og leigði út ásamt annarri jörð Digranesi í nágrenni hennar. Kópavogshreppur var stofnaður í byrjun árs 1948 og voru íbúar þá rúmlega 900. Hreppurinn óx hratt og voru íbúar orðnir 3.783 þegar Kópavogur hlaut kaupstaðarréttindi 11. maí árið 1955. Í Kópavogi er mikil og fjölbreytt atvinnustarfsemi. Mest er um iðnað, þjónustu og verslun af ýmsu tagi og má geta þess að Smáralind er stærsta verslunarmiðstöð landsins. Í bænum eru fjölbreytt tækifæri til útivistar og aðstaða til íþróttaiðkunar er með því besta sem þekkist. Þá eru Kópavogsbúar afar stoltir af menningarstofnunum sínum á Borgarholtinu, svo sem Salnum, Gerðarsafni, Náttúrufræðistofu Kópavogs, Tónlistarsafni Íslands og Molanum, ungmennahúsi Kópavogs.

Vinnustaðurinn

Höfuð-Borgin - sértæk félagsmiðstöð

Kópavogsbær leitar eftir frístundaleiðbeinanda í sértæku félagsmiðstöðina Höfuð-Borgin. Vinnutíminn er kl 13:00 - 17:00 og hentar starfið því vel með námi. Um er að ræða 20-50% starf og æskilegt er að umsækjendur hafi náð 20. aldursári.

Höfuð-Borgin er sértæk félagsmiðstöð sem ætluð er ungmennum 16-20 ára með fötlun sem lögheimili hafa í Kópavogi og er til húsa í Fannborg 2 (1.hæð). Í Höfuð-Borginni gefst ungu fólki tækifæri á að taka þátt í frístunda- og atvinnutengdri starfsemi eftir að skóladegi lýkur. Lögð er áhersla á að veita ungmennum öruggt, jákvætt og uppbyggilegt félagsmiðstöðvarstarf sem tekur mið af þörfum og getu hvers og eins.

Helstu verkefni og ábyrgð

Sinnir persónulegum stuðningi við ungmenni með fötlun og skapar öryggi og vellíðan í frístundaklúbbnum.
Þátttaka og leiðsögn í atvinnu– og frístundatengdu starfi og í hópastarfi.
Framfylgir þjálfunar-/þjónustuáætlunum sem forstöðumaður hefur umsjón með.
Stuðlar að virðingu, jákvæðum og uppbyggilegum samskiptum við ungmennin.
Undirbúningur og frágangur í upphafi og lok hvers dags.

Menntunar- og hæfniskröfur