Kópasteinn

Kópavogskirkjan er á hæðinni fyrir ofan okkur, Listasafn Gerðar Helgadóttur blasir við og Salurinn. Þá er Borgarholtið hér allt í kring, með nýju safnaðarheimili Kópavogskirkju á horni Hábrautar. Börnin þurfa því ekki að fara langt til að upplifa fagurt útsýni, fallegar byggingar og menningu. Vettvangsferðir eru tíðar í nærliggjandi stofnanir og nánasta umhverfi.

Vinnustaðurinn

Sérkennslustjóri

Leikskólinn Kópasteinn er 5 deilda leikskóli í tveimur húsum með 98 börnum á aldrinum 1 – 5 ára.

Áherslur í starfinu eru á leikinn í allri sinni fjölbreytni, lífsleikni, málrækt og tónlist.

Í Kópasteini er góður starfsandi og gott hlutfall fagmenntaðs starfsfólks.

Einkunnarorð skólans er gaman saman sem endurspeglar starfið okkar.

Hlutverk sérkennslustjóra er að vera faglegur umsjónarmaður sérkennslu í leikskólanum. Við leitum að ábyrgum, jákvæðum og sjálfstæðum einstaklingi sem hefur gaman af áskorunum.

Helstu verkefni og ábyrgð

Ber ábyrgð á og stjórnar skipulagningu, framkvæmd og endurmati sérkennslu í leikskólanum ásamt leikskólastjóra.
Er faglegur umsjónarmaður sérkennslu í leikskólanum, annast frumgreiningu og ráðgjöf til annarra starfsmanna leikskólans.
Vinnur í nánu samstarfi við deildastjóra og foreldra/forráðamenn barna sem njóta sérkennslu í leikskólanum, situr fundi er varða sérkennslu, innan skóla og utan.
Miðlar fræðslu til starfsmanna er tengist sérkennslu.

Menntunar- og hæfniskröfur

Leikskólakennaramenntun og framhaldsnám í sérkennslufræðum.
Ábyrgur og jákvæður einstaklingur sem á auðvelt með mannleg samskipti.
Sjálfstæð og skipulögð vinnubrögð.
Reynsla af skipulagningu sérkennslu og þjálfunar.
Góð íslensku kunnátta er skilyrði.

Launakjör eru samkvæmt kjarasamningi íslenskra sveitafélaga og viðeigandi stétta félags.

Þau sem ráðin eru til starfa í leikskólum Kópavogs þurfa að gefa leyfi fyrir upplýsingaöflun úr sakaskrá og undirrita trúnaðaryfirlýsingu.

Starfshlutfall er 100% og ráðið eftir samkomulagi. Umsóknarfrestur er til og með 18. júlí 2024.

Nánari upplýsingar veita Margrét Lárusdóttir leikskolastjóri og Linda Olsen aðstoðarleikskólastjóri í síma 4415701 eða á netfangið kopasteinn@kopavogur.is

Einungis er hægt að sækja um starfið í gegnum ráðningarvef Alfreðs.

Auglýsing stofnuð4. júlí 2024

Umsóknarfrestur18. júlí 2024

Tungumálahæfni