Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Mannauðsráðgjafi - tímabundið starf

Mannauðsdeild Landspítala leitar að öflugum mannauðsráðgjafa í tímabundið starf.

Um er að ræða fjölbreytt og krefjandi verkefni í þverfaglegu teymi og með frábæru samstarfsfólki. Viðkomandi þarf að vera sjálfstæður, með ríka þjónustulund og hafa gaman af því að vinna með fólki.

Í Mannauðsdeild starfa um 25 einstaklingar og heyrir deildin undir rekstrar- og mannauðssvið. Í mannauðsdeild er unnið að mótun og innleiðingu mannauðsmála þvert á spítalann. Deildin ber m.a. ábyrgð á stjórnendafræðslu, löðun, verklagi og umsjón ráðninga, auk gerð vinnustaðakannana. Þá sinnir deildin móttöku nýliða, fræðslu og ýmsum viðburðum, auk umbótaverkefna á sviði mannauðsmála ásamt heilsuvernd starfsfólks.

Á Landspítala starfa um 7000 einstaklingar af 69 þjóðernum, og er 10% starfsfólks af erlendum uppruna og tengjast verkefni deildarinnar einnig aðstoð við ráðningar og umsýslu starfsleyfa fyrir erlenda umsækjendur ásamt vinnu við menningar og jafnréttis- og inngildingarmál.

Starfið er tímabundið í 12 mánuði, starfshlutfall er 100%.

Í boði er frábær vinnuaðstaða, verkefnamiðað vinnurými, fyrsta flokks mötuneyti og stytting vinnuvikunnar.

Helstu verkefni og ábyrgð

Ráðgjöf og þjónusta við löðun og öflun umsækjanda
Aðstoð við ráðningar og umsýslu starfsleyfa, ásamt stuðningi við erlent starfsfólk
Innleiðing á mannauðskerfum og ferlum
Móttaka og fræðsla fyrir nýtt starfsfólk
Fræðslumál, kynningar og aðkoma að stjórnendanámskeiðum og leiðtogaþjálfun
Þátttaka og skipulag á ýmsum viðburðum og innri upplýsingamiðlun
Skilgreining starfa og ráðgjöf um starfslýsingar
Þátttaka í teymisvinnu innan deildar og þvert á spítalann
Önnur tilfallandi verkefni í samvinnu við stjórnanda

Menntunar- og hæfniskröfur

Háskólamenntun sem nýtist í starfi, menntun á sviði mannauðsmála skilyrði
Að minnsta kosti 3 ára reynsla af störfum við mannauðsmál
Reynsla af verkefnastjórnun og/eða umbótastarfi er kostur
Metnaður, frumkvæði og geta til að starfa sjálfstætt
Skipulögð og lausnamiðuð vinnubrögð
Færni í mannlegum samskiptum, jákvætt viðhorf og rík þjónustulund
Örugg og fagleg framkoma
Færni í textameðferð, miðlun og tjáningu
Mjög góð íslensku- og enskukunnáttu, bæði í mæltu og rituðu máli

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins.

Umsókn fylgi náms- og starfsferilskrá ásamt kynningarbréfi og afriti af prófskírteinum. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Öllum umsóknum verður svarað.

Starfsmerkingar: Heilbrigðisþjónusta, Mannauðsráðgjafi

Nánari upplýsingar

Sigurbjörg Dagmar Hjaltadóttir, [email protected],

Mannauðsdeild

Skaftahlíð 24

105 Reykjavík

Auglýsing birt28. febrúar 2025

Umsóknarfrestur10. mars 2025

Tungumálahæfni

Íslenska

Nauðsyn

Framúrskarandi

Enska

Nauðsyn

Mjög góð

Staðsetning

Skaftahlíð 24, 105 Reykjavík

Starfstegund

Vinnuumhverfi

Starfsgreinar

Starfsmerkingar

Fleiri störf (50)