Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunardeildarstjóri hjartagáttar

Leitum eftir kraftmiklum stjórnanda til að leiða og efla starfsemi hjartagáttar og byggja upp sterka liðsheild. Starfið er unnið í nánu samstarfi við framkvæmdastjóra, forstöðuhjúkrunarfræðing og aðra stjórnendur og samstarfsfólk.

Á hjartagátt Landspítala starfar um 30 manna samheldinn hópur sem veitir þjónustu við hjartasjúklinga sem þurfa að undirgangast inngrip eins og hjartaþræðingar, gangráðsísetningar, brennsluaðgerðir, rafvendingar og fleira.

Hjartagáttinni tilheyra fjórar sérhæfðar þverfaglegar göngudeildir. Hjartagátt er dag- og göngudeild og er opin 7:30 - 20:00 alla virka daga. Lögð er áhersla á teymisvinnu með það að markmiði að skapa jákvæðan og hvetjandi starfsanda þar sem starfsmenn fá tækifæri til að taka þátt í umbótarvinnu samhliða daglegum störfum. Við leggjum sérstaka áherslu á jákvæðni, fagmennsku og virðingu gagnvart skjólstæðingum og samstarfsfólki.

Hjúkrunardeildarstjóri er leiðtogi sem hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð. Starfshlutfall er 100% og veitist starfið frá 1. júlí 2025 eða eftir nánara samkomulagi. Næsti yfirmaður er forstöðuhjúkrunarfræðingur hjarta- og augnþjónustu.

Menntunar- og hæfniskröfur

Íslenskt hjúkrunarleyfi

Starfsreynsla sem hjúkrunarfræðingur

Framhaldsmenntun í hjúkrun og/eða önnur viðbótarmenntun á háskólastigi sem nýtist í starfi er kostur

Farsæl reynsla af uppbyggingu og stýringu mannauðs er kostur

Farsæl reynsla af stjórnun og rekstri er kostur

Leiðtogahæfni, áhugi og vilji til að leiða breytingar og umbætur

Mjög góð hæfni í samskiptum og jákvætt viðmót

Hæfni til að leiða teymi

Sýn og hæfni til að leiða faglega þróun hjúkrunar og gæða- og öryggismál

Jákvætt lífsviðhorf, lausnamiðuð nálgun og framúrskarandi leiðtoga- og samskiptahæfileikar

Frumkvæði og metnaður til að ná árangri

Góð íslenskukunnátta

Helstu verkefni og ábyrgð

Fagleg ábyrgð á uppbyggingu, skipulagi og þróun starfseminnar, setur markmið um gæði og öryggi og tryggir eftirfylgni

Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsfólks á deildinni

Fjárhagsleg ábyrgð, þ.e. ábyrgð á rekstrarkostnaði

Hefur forystu um áframhaldandi uppbyggingu, skipulag og þróun deildarinnar í samráði við yfirlækna og forstöðufólk hjarta- og augnþjónustu

Tryggir að öryggis-, gæða- og umbótastarfi sé framfylgt

Þátttaka í vísinda- og rannsóknarstarfi hjarta- og augnþjónustu

Starfar náið með deildarstjórum hjúkrunar innan hjarta- og augnþjónustu og er virkur þátttakandi í samstarfi þeirra á milli

Framfylgir stefnu og áherslum framkvæmdastjórnar Landspítala

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfi
Ferilskrá ásamt kynningarbréfi með rökstuðningi fyrir hæfni og sýn á starfið

Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, deildarstjóri, stjórnunarstarf

Tungumálahæfni: íslenska 5/5

Nánari upplýsingar

Bylgja Kærnested, [email protected], 825-5106

Anna Dagný Smith, [email protected], 825-3675

Hjartaþjónusta (sameiginlegt)

Hringbraut

101 Reykjavík

Auglýsing birt27. febrúar 2025

Umsóknarfrestur20. mars 2025

Tungumálahæfni

Íslenska

Nauðsyn

Framúrskarandi

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)