Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Heilbrigðisgagnafræðingur - Áhugavert starf hjá brjóstaskurðlækningum á Brjóstamiðstöð

Í boði er áhugavert starf heilbrigðisgagnafræðings við umsjón og skráningu heilbrigðisgagna á brjóstaskurðlækningadeild ásamt skipulagi og undirbúningi þverfaglegra samráðsfunda. Við sækjumst eftir skipulögðum og lausnamiðuðum einstaklingi sem býr yfir framúrskarandi samskiptahæfni og þjónustulund og sem á auðvelt með að vinna í teymi.

Brjóstaskurðlækningar er sjálfstæð sérgrein innan Brjóstamiðstöðvar Landspítala á Eiríksgötu 5. Á Brjóstamiðstöð starfar öflugt teymi sérfræðinga frá mörgum sérgreinum og fagstéttum. Þjónustan er í stöðugri þróun þar sem mikil áhersla er lögð á þjónustumiðaða nálgun og tæknivæðingu eininga.

Á einingunni er lögð sterk áhersla á teymisvinnu og uppbyggingu mannauðs með það í huga að byggja upp skemmtilegan vinnustað með möguleika á að taka þátt í daglegri umbótavinnu samhliða hefðbundnum störfum.

Næsti yfirmaður er yfirlæknir brjóstaskurðlækningadeildar. Starfshlutfall er 80-100%, unnið er í dagvinnu og er starfið laust nú þegar eða eftir samkomulagi.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Íslenskt starfsleyfi heilbrigðisgagnafræðings

Reynsla af skráningu heilbrigðisgagna

Skipulögð og nákvæm vinnubrögð

Jákvætt lífsviðhorf og framúrskarandi samskiptahæfileikar

Frumkvæði og faglegur metnaður í starfi

Framúrskarandi tölvukunnátta, reynsla af notkun Excel og annarra gagnagrunna

Áhugi, hæfni og geta til að starfa í teymi

Mjög góð kunnátta í íslensku, og góð kunnátta í ensku

Reynsla af verkefnastjórnun er æskileg

Helstu verkefni og ábyrgð

Umsjón og undirbúningur samráðsfunda sérgreinar í samráði við yfirlækni

Umsjón og skráning gagna í heilbrigðisgagnagrunn í samráði við yfirlækni

Upplýsingagjöf og samskipti við starfsmenn og stofnanir

Skipuleggja og hafa yfirsýn yfir fundi, vinnustofur og aðra viðburði innan sérgreinarinnar

Ýmis verkefni í samvinnu við yfirlækni brjóstaskurðlækningadeildar

Samvinna og samstarf við aðrar sérgreinar innan spítalans í samráði við yfirlækni

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, heilbrigðisgagnafræðingur, skrifstofustörf, teymisvinna

Tungumálahæfni: íslenska 4/5, enska 3/5

Nánari upplýsingar

Hafsteinn Ingi Pétursson, [email protected], 825-5092

Anna Dagný Smith, [email protected], 825-3675

Brjóstaskurðlækningar

Eiríksgötu 5

101 Reykjavík

Auglýsing birt20. febrúar 2025

Umsóknarfrestur5. mars 2025

Tungumálahæfni

Íslenska

Nauðsyn

Mjög góð

Enska

Nauðsyn

Meðalhæfni

Staðsetning

Eiríksgata 5, 101 Reykjavík

Starfstegund

Starfsgreinar

Starfsmerkingar

Fleiri störf (50)