Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunardeildarstjóri göngudeildar innkirtla- og gigtarsjúkdóma

Leitum eftir kraftmiklum stjórnanda til að leiða og efla starfsemi göngudeildar innkirtla- og gigtarsjúkdóma og byggja upp sterka liðsheild. Starfið er unnið í nánu samstarfi við framkvæmdastjóra, forstöðuhjúkrunarfræðing, yfirlækni og aðra stjórnendur og samstarfsfólk.

Á deildinni starfar samhent teymi heilbrigðisstarfsfólks sem sinnir göngudeildarþjónustu vegna gigtarsjúkdóma annars vegar og innkirtlasjúkdóma hins vegar. Deildin er staðsett á Eiríksgötu 5 í hjarta miðborgarinnar ásamt göngudeild augnsjúkdóma, brjóstamiðstöð og erfðagreiningu.

Hjúkrunardeildarstjóri er leiðtogi sem hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð. Starfshlutfall er 100% og veitist starfið frá 1. apríl 2025 eða eftir nánara samkomulagi. Næsti yfirmaður er forstöðuhjúkrunarfræðingur ferlideilda bráða-, lyflækninga- og endurhæfingarþjónustu.

Menntunar- og hæfniskröfur

Íslenskt hjúkrunarleyfi

Starfsreynsla sem hjúkrunarfræðingur

Framhaldsmenntun í hjúkrun og/eða önnur viðbótarmenntun á háskólastigi sem nýtist í starfi er kostur

Farsæl reynsla af uppbyggingu og stýringu mannauðs er kostur

Farsæl reynsla af stjórnun og rekstri er kostur

Leiðtogahæfni, áhugi og vilji til að leiða breytingar og umbætur

Mjög góð hæfni í samskiptum og jákvætt viðmót

Hæfni til að leiða teymi

Sýn og hæfni til að leiða faglega þróun hjúkrunar og gæða- og öryggismál

Jákvætt lífsviðhorf, lausnamiðuð nálgun og framúrskarandi leiðtoga- og samskiptahæfileikar

Frumkvæði og metnaður til að ná árangri

Góð íslenskukunnátta

Helstu verkefni og ábyrgð

Fagleg ábyrgð á uppbyggingu, skipulagi og þróun starfseminnar, setur markmið um gæði og öryggi og tryggir eftirfylgni

Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsfólks á deildinni

Fjárhagsleg ábyrgð, þ.e. ábyrgð á rekstrarkostnaði

Hefur forystu um áframhaldandi uppbyggingu, skipulag og þróun deildarinnar í samráði við yfirlækna og forstöðufólk bráða-, lyflækninga og endurhæfingarþjónustu

Tryggir að öryggis-, gæða- og umbótastarfi sé framfylgt

Þátttaka í vísinda- og rannsóknarstarfi deildarinnar

Starfar náið með deildarstjórum hjúkrunar innan þjónustunnar og er virkur þátttakandi í samstarfi þeirra á milli

Framfylgir stefnu og áherslum framkvæmdastjórnar Landspítala

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá ásamt kynningarbréfi með rökstuðningi fyrir hæfni og sýn á starfið

Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunardeildarstjóri, hjúkrunarfræðingur, hjúkrun, deildarstjóri, stjórnunarstarf

Íslenskukunnátta 4/5

Nánari upplýsingar

Gerður Beta Jóhannsdóttir, [email protected], 825-9546

Sigríður Edda Hafberg, [email protected], 825-9331

Ferlideildir bráða-, lyflækninga- og endurhæfingarþjónustu (sameiginlegt)

Fossvogur

108 Reykjavík

Auglýsing birt13. febrúar 2025

Umsóknarfrestur28. febrúar 2025

Tungumálahæfni

Engar sérstakar tungumálakröfur

Staðsetning

Fossvogur, 108 Reykjavík

Starfstegund

Starfsgreinar

Starfsmerkingar

Fleiri störf (50)