Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Lífeindafræðingur eða náttúrufræðingur

Lífeindafræðingur, líffræðingur, lífefnafræðingur eða einstaklingur með sambærilega menntun óskast til starfa á ónæmisfræðideild Landspítala. Á deildinni starfa um 30 einstaklingar við þjónusturannsóknir, greiningar og ráðgjöf, kennslu heilbrigðisstétta í ónæmisfræði og vísindarannsóknir. Góður starfsandi er ríkjandi og tækifæri til að vaxa í starfi. Meginhlutverk deildarinnar er að vera leiðandi hvað varðar rannsóknir, greiningu, meðferð og eftirlit ónæmis- og ofnæmissjúkdóma á Íslandi. Auk þess veitir deildin alhliða þjónusturannsóknir á sviði gigtar-, bólgu-, ofnæmis- og sjálfsofnæmissjúkdóma.

Við viljum ráða skipulagðan einstakling með faglegan metnað sem vinnur af nákvæmni og samviskusemi. Viðkomandi þarf að hafa góða samskiptahæfni og eiga auðvelt með að vinna sjálfstætt og í teymi. Við tökum vel á móti nýju samstarfsfólki og veitum góða einstaklingsmiðaða aðlögun. Starfshlutfall er 100% og um dagvinnu er að ræða. Starfið er laust frá og með 1. maí 2025 eða eftir nánara samkomulagi.

Vinnuvika starfsfólks í fullri dagvinnu er 36 stundir. Markmiðið með styttri vinnuviku er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Íslenskt starfsleyfi

Sjálfstæði, skipulagsfærni og yfirsýn í starfi

Nákvæmni í vinnubrögðum og faglegur metnaður

Góð samskiptahæfni og fagleg framkoma

Hæfni og geta til að starfa í teymi

Bóklegt og verklegt nám í ónæmisfræði er kostur

Reynsla í notkun frumuflæðisjár og luminex tækja er kostur

Reynsla í notkun forritanna FACSuite og FACSDiva er kostur

Góð íslenskukunnátta

Helstu verkefni og ábyrgð

Vinna í frumuflæðisjáreiningu deildarinnar sem sér um þjónusturannsóknir á sjúklingasýnum og taka þátt í uppbygginu og þróun einingarinnar

Þjónusturannsóknir á frumuflæðisjá (FACS)

Þjónusturannsóknir á Luminex tæki

Þróun og uppsetning nýrra greiningaprófa tengdum ónæmissjúkdómum innan einingarinnar

Þátttaka í kennslu, fræðslu og vísindarannsóknum deildarinnar

Aðstoð við frumuflæðisjá og sorter tæki í þjónustu við Lífvísindasetur hjá Háskóla Íslands

Stuðla að góðri þjónustu

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá og kynningarbréf ásamt afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, lífeindafræðingur, líffræðingur, náttúrufræðingur, lífefnafræðingur

Tungumálahæfni: íslenska 4/5

Nánari upplýsingar

Siggeir Fannar Brynjólfsson, [email protected],

Anna Guðrún Viðarsdóttir, [email protected],

Ónæmisfræðideild

Hringbraut

101 Reykjavík

Auglýsing birt13. febrúar 2025

Umsóknarfrestur3. mars 2025

Tungumálahæfni

Íslenska

Nauðsyn

Mjög góð

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)