Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Iðjuþjálfi - Fjölbreytt starf á barna- og unglingageðdeild

Við leitum að liðsmanni í samhent teymi iðjuþjálfa á barna- og unglingageðdeild Landspítala (BUGL). Í boði er fjölbreytt starf og tækifæri til að öðlast víðtæka þekkingu innan fagsins með margvíslegum möguleikum á starfsþróun. Um er að ræða 80-100% starf. Æskilegt er að umsækjandi geti hafið störf sem fyrst eða eftir samkomulagi.

Á BUGL er tekið á móti börnum upp að 18 ára aldri sem eiga við geðheilsuvanda að stríða. Þar er veitt sérhæfð þverfagleg þjónusta sem miðar að þörfum barna og fjölskyldna þeirra. Góð samvinna er við fagaðila í nærumhverfi. Iðjuþjálfi starfar samkvæmt starfslýsingu en meginhlutverk er að meta þörf á iðjuþjálfun og veita ráðgjöf og þjálfun til barns/unglings, foreldra og skóla. Helsta ráðgjöfin snýr að daglegum venjum og dagskipulagi, markmiðasetningu og skynúrvinnslu. Einnig er unnið með þátttöku og færni í skólaumhverfi, félagsfærni, tómstundir og áhugamál. Iðjuþjálfar á BUGL starfa á göngu-, dag- og legudeild.

Á Landspítala starfa um 30 iðjuþjálfar í þverfaglegum teymum og í nánu samstarfi við aðrar fagstéttir. Lögð er rík áhersla á að taka vel á móti nýjum starfsmönnum og veitt er góð aðlögun.

Menntunar- og hæfniskröfur

Íslenskt starfsleyfi sem iðjuþjálfi

Afburða samskiptafærni og samstarfshæfileikar

Jákvætt hugarfar, metnaður og áhugi á að starfa í þverfaglegu teymi

Færni til að vinna sjálfstætt, skipuleggja og forgangsraða verkefnum

Sjálfstæð og skipulögð vinnubrögð

Hreint sakavottorð

Helstu verkefni og ábyrgð

Ábyrgð á þeirri iðjuþjálfun sem hann veitir og mat á árangri meðferðar

Skráning og skýrslugerð

Fræðsla og skipulagning á eigin starfi

Fræðsla til sjúklinga, aðstandenda og umhverfis

Virk þátttaka í þverfaglegu samstarfi/teymi

Þátttaka í fagþróun

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Iðjuþjálfi

Tungumálahæfni: íslenska 3/5

Nánari upplýsingar

Guðlaug María Júlíusdóttir, [email protected], 543-4300

Þórdís Jónsdóttir, [email protected], 543-4300

Faghópar BUGL

Dalbraut 12

105 Reykjavík

Auglýsing birt17. febrúar 2025

Umsóknarfrestur3. mars 2025

Tungumálahæfni

Íslenska

Nauðsyn

Meðalhæfni

Staðsetning

Dalbraut 12, 105 Reykjavík

Starfstegund

Starfsgreinar

Starfsmerkingar

Fleiri störf (50)

Heilbrigðisgagnafræðingur - Áhugavert starf hjá brjóstaskurðlækningum á Brjóstamiðstöð