Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðilæknar í geðlækningum óskast í geðþjónustu

Laus eru til umsóknar störf sérfræðilækna í geðlækningum í geðþjónustu Landspítala.

Geðþjónusta Landspítala veitir 2. og 3. stigs geðheilbrigðisþjónustu og ráðgjöf til geðþjónustuaðila á landinu öllu. Störf sérfræðilækna í geðþjónustu eru á legudeildum, dagdeildum, samfélagsgeðteymum, og göngudeildum innan meðferðareininga geðrofssjúkdóma, lyndisraskana, geð- og fíknisjúkdóma og réttar- og öryggisgeðþjónustu. Um er að ræða fjölbreytt störf og eru umsækjendur hvattir til að nefna áhugasvið sitt í umsóknarferlinu.

Leitað er eftir sérfræðilæknum sem hafa áhuga á að vinna að krefjandi verkefnum í umhverfi þar sem fjölbreytni, metnaður og þverfagleg teymisvinna eru í fyrirrúmi með áherslu á umbótastarf og öryggi.

Landspítali býður faglegan stuðning, áherslu á endurmenntun og starfsþróun og þátttöku í að þróa og efla vaxandi þjónustu sem er í forystu í geðheilbrigðisþjónustu á Íslandi.

Störfin eru laus frá 10. janúar 2025 eða eftir nánara samkomulagi.

Menntunar- og hæfniskröfur

Íslenskt sérfræðileyfi í geðlækningum

Faglegur metnaður og áhugi á að starfa með fólki með alvarlega geðræna sjúkdóma

Sjálfstæði og skipulagsfærni

Færni í að veita vandaða og gagnreynda meðferð

Mikil hæfni í samskiptum áskilin

Þekking á nýjungum í rannsóknum og tengingu við meðferð

Áhugi á þróun og sérhæfingu í starfi, sveigjanleiki til að tileinka sér nýjungar

Góð íslensku- og enskukunnátta; kunnátta í öðrum tungumálum er kostur

Helstu verkefni og ábyrgð

Sérfræðistörf í samráði við viðkomandi yfirlækni/vinna á legudeild, dagdeild, göngudeild og í samfélagsgeðteymum/greining, meðferð og eftirfylgd sjúklinga

Þátttaka í þverfaglegri teymisvinnu

Þátttaka í kennslu, fræðslu og handleiðslu læknanema og sérnámslækna

Þátttaka í gæða-, umbóta-, vísinda- og rannsóknastarfi

Vaktþjónusta geðlækna, ráðgjöf geðlækna

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af námsgögnum og starfsleyfum.
Ferilskrá þar sem tilgreind er reynsla af kennslu, vísindavinnu og stjórnunarstörfum.
Kynningarbréf með rökstuðningi fyrir hæfni og sýn á starfið.
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerking: Heilbrigðisþjónusta, sérfræðilæknir, læknir

Tungumálakunnátta: íslenska 4/5, enska 4/5

Nánari upplýsingar

Halldóra Jónsdóttir, halldjon@landspitali.is,

Geðlækningar (sameiginlegt)

Hringbraut

101 Reykjavík

Auglýsing birt18. desember 2024

Umsóknarfrestur30. desember 2024

Tungumálahæfni

Enska

Nauðsyn

Mjög góð

Íslenska

Nauðsyn

Mjög góð

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (43)