Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Mannauðsstjóri á rekstrar- og mannauðssviði

Landspítali auglýsir eftir öflugum einstaklingi með mikla reynslu af mannauðsmálum í starf mannauðsstjóra á rekstrar-og mannauðssviði. Mannauðsstjóri sinnir virkri þátttöku, ráðgjöf og stuðningi við stjórnendur og starfsfólk sviðsins í öllum verkþáttum mannauðsmála, þ.e. í ráðningum, þjálfun og starfsþróun, endurgjöf, kjaramálum, samskiptum, heilsu og öryggi, í samræmi við stefnu Landspítala hverju sinni. Mannauðsstjóri tekur einnig þátt í miðlægum mannauðsverkefnum með rekstrar- og mannauðssviði spítalans.

Leitað er eftir kraftmiklum einstaklingi sem brennur fyrir málstað mannauðsmála og spítalans. Starfið er ábyrgðarmikið og krefjandi og reynir á frumkvæði, stefnumótandi hugsun og samskiptahæfileika. Mannauðsstjóri heyrir undir framkvæmdastjóra rekstrar- og mannauðssviðs og vinnur náið með öðrum mannauðsstjórum og stjórnendum Landspítala.

Í boði er frábær vinnuaðstaða, fyrsta flokks mötuneyti og stytting vinnuvikunnar. Starfshlutfall er 100% og upphafsdagur starfs samkomulag.

Menntunar- og hæfniskröfur

Háskólamenntun sem nýtist í starfi, viðbótarmenntun í mannauðsstjórnun eða sambærileg menntun skilyrði

Þekking og reynsla af mannauðsstjórnun skilyrði

Þekking og reynsla af störfum og starfsemi landspítala er kostur

Leiðtoga- og skipulagshæfni

Metnaður, frumkvæði og sjálfstæð vinnubrögð

Færni í mannlegum samskiptum, jákvætt viðhorf, lausnamiðuð vinnubrögð og rík þjónustulund

Örugg og fagleg framkoma

Mjög góð íslensku- og enskukunnátta, bæði í mæltu og rituðu máli

Helstu verkefni og ábyrgð

Ráðningar, öflun umsækjenda og framkvæmd ráðningaferla

Launasetning, gerð ráðningasamninga og innleiðing stofnana- og kjarasamninga

Vinnuvernd, heilsa og öryggi starfsfólks

Upplýsingagjöf og úrvinnsla samskiptamála

Ráðgjöf og stuðningur við stjórnendur

Innleiðing breytinga og verklags í mannauðsmálum sviðs

Teymisvinna og þátttaka í miðlægum verkefnum á sviði mannauðsmála með mannauðsdeild

Þátttaka í stefnumótun og samræmingu mannauðsmála Landspítala

Önnur verkefni frá framkvæmdastjóra rekstrar- og mannauðssviðs

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Tungumálahæfni: íslenska 5/5 enska 4/5

Starfsmerkingar: Heilbrigðisþjónusta, mannauðsstjóri, mannauðsráðgjafi

Nánari upplýsingar

Hrönn Harðardóttir, hronhard@landspitali.is, 897-5600

Skrifstofa rekstrar- og mannauðssviðs

Skaftahlíð 24

105 Reykjavík

Auglýsing birt11. desember 2024

Umsóknarfrestur23. desember 2024

Tungumálahæfni

Íslenska

Nauðsyn

Framúrskarandi

Enska

Nauðsyn

Mjög góð

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (34)

Skrifstofustjóri klínískrar rannsókna- og stoðþjónustu