Verkefnastjóri í stafrænni þróun

Verkefnastjóri í stafrænni þróun? Taktu þátt í að móta stafræna framtíð Garðabæjar

Garðabær leitar að drífandi verkefnastjóra í stafrænni þróun fyrir þjónustu- og þróunarsvið bæjarins. Með stækkandi bæ er mikilvægt að uppbygging þjónustu og atvinnulífs haldist í hendur við gæði mannlífs og þar leika starfsmenn Garðabæjar lykilhlutverk.
Verkefnastjóri ber ábyrgð á verkefnum tengdum upplýsingatækni og stafrænni þróun Garðabæjar, leiðir greiningar og skipuleggur verkefni þvert á svið bæjarins.
Verkefnastjóri stýrir og útfærir tæknilausnir í samvinnu við starfsfólk Garðabæjar og samstarfsaðila, með það að markmiði að bæta þjónustu til íbúa.