Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

Vinnustaðurinn

Leiðtogi í líflegri íþróttamiðstöð

Garðabær auglýsir starf forstöðumanns íþróttamiðstöðvarinnar Ásgarðs. Í Ásgarði er líflegt íþróttasamfélag sem er mikið sótt af íbúum Garðabæjar. Þar eru sundlaug og íþróttasalir sem þjóna skólakennslu, æfinga- og keppnishópum í körfubolta, fimleikum, karate og dansi, auk almennings sem stundar sundlaugina og hópatíma í heilsurækt. Fjölmargir kappleikir og fjölliðamót auk fimleikamóta á hæsta getustigi fara fram í Ásgarði.

Fjöldi starfsmanna í Ásgarði er rúmlega 20 talsins.

Við leitum að jákvæðum einstaklingi sem hefur framúrskarandi þjónustulund, metnað fyrir því að skapa frábæra upplifun fyrir gesti og halda vel utan um íþróttamiðstöðina og fjölbreyttan hóp starfsfólks.

Helstu verkefni og ábyrgð

Eftirlit með fjármálum, mannauðsmálum og tryggja að starfsemin standist kröfur samkvæmt lögum og reglugerðum
Tryggir móttöku og þjálfun nýrra starfsmanna
Samskipti við skóla, íþróttafélög og leigutaka, bókanir á útleigutímum mannvirkisins
Mótun umgengni og eftirlit með iðkendum og gestum mannvirkisins
Eftirlit með búnaði og hússtjórnarkerfum
Þátttaka í stjórnunarteymi íþróttamannvirkja Garðabæjar
Önnur tilfallandi störf

Menntunar- og hæfniskröfur

Háskólapróf sem nýtist í starfi
Framúrskarandi þjónustulund
Góð tölvukunnátta
Þekking á þörfum íþróttagreina varðandi æfinga- og keppnisaðstöðu
Reynsla af stjórnun
Samskiptahæfni við börn og fullorðna
Sjálfstæði og frumkvæði í starfi
Íslenskukunnátta á stigi B2 samkvæmt samevrópskum tungumálaramma
Þekking á opinberri stjórnsýslu og rekstri stofnana er æskileg
Reynsla af verkefnastjórnun er kostur

Umsóknarfrestur er til og með 3. febrúar 2025.

Nánari upplýsingar um starfið veitir Kári Jónsson íþrótta-, tómstunda- og forvarnafulltrúi Garðabæjar karijo@gardabaer.is

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Áhugasamir einstaklingar, án tillits til kyns, eru hvattir til að sækja um.

Umsóknum skal fylgja ítarleg starfsferilskrá og greinargóðar upplýsingar um störf umsækjanda, menntun og reynslu sem varpað getur ljósi á færni hans til að sinna umræddu starfi.