Veðurstofa Íslands

Hjá Veðurstofu Íslands starfar öflugur hópur fólks sem hefur það hlutverk að stuðla að bættu öryggi almennings, eigna og innviða gagnvart öflum náttúrunnar. Því hlutverki sinnir starfsfólk Veðurstofunnar með vöktun lofts, láðs og lagar, byggðri á öflun og greiningu gagna, rannsóknum, þróun og miðlun upplýsinga. Jafnframt er það hlutverk Veðurstofunnar að styðja við sjálfbæra nýtingu náttúrunnar og samfélagslega hagkvæmni

Vinnustaðurinn

Veðurfræðingur

Veðurstofa Íslands óskar eftir að ráða veðurfræðing í vaktavinnu á deild veðurspár og náttúruvárvöktunar á sviði þjónustu- og rannsókna. Veðurfræðingar eru hluti af öflugu teymi vísindafólks og sérfræðinga Veðurstofunnar sem gegna lykilhlutverki við vöktun og rannsóknir á náttúruöflum landsins. Vinnuumhverfið er krefjandi en um er að ræða fjölbreytt vaktavinnustarf og eru vaktir unnar á öllum tímum sólarhringsins allt árið um kring.

Helstu verkefni og ábyrgð

Gerð og útgáfa reglubundinna almennra veðurspáa fyrir land og sjó
Vöktun og útgáfa viðvaranir vegna veðurvár, veðurtengdrar vár og hafíss
Veðurspágerð vegna flugs
Vöktun íslenska flugstjórnarsvæðisins með tilliti til veðurs og eldgosaösku
Útgáfa flugvallaviðvarana
Almenn upplýsingamiðlun
Upplýsingamiðlun vegna flugs

Menntunar- og hæfniskröfur

Háskólapróf á sviði náttúru- og/eða raunvísinda, eða sambærileg menntun, framhaldsmenntun er kostur
Greiningarhæfni gagna og gott vald á úrvinnslu þeirra
Góð hæfni í samstarfi og mannlegum samskiptum
Hæfni til að miðla upplýsingum
Góð tölvufærni
Skipulagshæfni og nákvæmni
Geta til að vinna undir álagi
Hæfni til að taka skjótar ákvarðanir og sýna frumkvæði
Gott vald á töluðu og rituðu máli á íslensku og ensku

Gildi Veðurstofunnar eru þekking, áreiðanleiki, samvinna og framsækni. Ráðningar hjá stofnuninni taka mið af þessum gildum

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Fólk af öllum kynjum er hvatt til að sækja um starfið.

Umsókninni þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Æskilegt er að viðkomandi geti hafið störf sem fyrst.

Auglýsing birt21. janúar 2025

Umsóknarfrestur5. febrúar 2025

Tungumálahæfni