Sérfræðingur - Fyrirtækjaráðgjöf

Fyrirtækjaráðgjöf Landsbankans leitar að nýjum liðsmanni í öflugan hóp sérfræðinga. Leitað er að kraftmiklum einstaklingi sem er tilbúinn að takast á við krefjandi verkefni á fjármálamarkaði.

Fyrirtækjaráðgjöf sinnir fjölbreyttum verkefnum sem eiga það sammerkt að tengjast umbreytingu og þróun fyrirtækja. Helstu verkefni deildarinnar eru ráðgjöf við kaup og sölu fyrirtækja, umsjón með útboðum og skráningum á hlutabréfum og skuldabréfum í Kauphöll, ráðgjöf við fjárhagslega endurskipulagningu fyrirtækja og ráðgjöf við fjármögnun fyrirtækja og verkefna.