Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Vinnustaðurinn

Verkefnastjóri í fasteignaumsjón

Starf verkefnastjóra í fasteignaumsjón hjá rekstrardeild Vegagerðarinnar er laust til umsóknar. Starfsstöðin er í Garðabæ.

Vegagerðin er með 18 starfsstöðvar um allt land, rekstrardeild vinnur þvert á svið og svæði.

Rekstrardeild er þjónustudeild og mikið er lagt upp úr góðri liðsheild, ríkri þjónustulund og lausnamiðaðri nálgun en á deildinni starfa um 15 manns. Rekstrardeild sinnir fasteignaumsjón, umsjón véla og tækja um allt land, innkaupum, lagerhaldi ásamt öðrum tengdum verkefnum.

Helstu verkefni og ábyrgð

Verkefnastýring framkvæmda sem varða fasteignaumsjón. Í því felst einnig yfirumsjón með viðhaldi og almennum rekstri fasteigna Vegagerðarinnar þ.m.t. húseignir, saltgeymslur, biktankar og ferjuhús.

Ber ábyrgð á viðhaldsúttekt fasteigna
Ber ábyrgð á gerð og framfylgni húsnæðisáætlunar
Ber ábyrgð á að tilfallandi viðhaldi sé sinnt, svo sem viðgerðum á húsmunum og húsnæði
Ber ábyrgð á rekstrartengdum samningum fasteigna.
Annast samskipti við verktaka og umsjónarmenn húsa
Fjárhagslegt eftirlit framkvæmda
Skipuleggur, verkstýrir og annast upplýsingasöfnun vegna framkvæmda, tryggir skjölun og vistun gagna.
Ber ábyrgð á upplýsingagjöf til hagaðila
Vinnur að gæða- og umbótastarfi innan deildarinnar í samráði við forstöðumann

Menntunar- og hæfniskröfur

Byggingatæknifræði, verkfræði eða sambærileg menntun sem nýtist í starfi
Rík skipulagshæfni, frumkvæði og faglegur metnaður
Reynsla af sambærilegu starfi er kostur
Hæfni til að vinna sjálfstætt sem og í teymisvinnu
Framúrskarandi hæfni í mannlegum samskiptum
Gott vald á íslensku og ensku í ræðu og riti
Mjög góð tölvukunnátta
Góð öryggisvitund

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Fólk af öllum kynjum er hvatt til að sækja um starfið. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir, auk afrita af prófskírteinum. Öllum umsóknum verður svarað þegar ákvörðun um ráðningu hefur verið tekin.

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Starfshlutfall er 100%

Umsóknarfrestur er til og með 03.02.2025

Nánari upplýsingar veitir

Hrafnhildur Jónsdóttir, forstöðukona rekstrardeildar - hrafnhildur.jonsdottir@vegagerdin.is - 772 4106

Auglýsing birt16. janúar 2025

Umsóknarfrestur3. febrúar 2025

Tungumálahæfni