Símenntun Háskólans á Akureyri sérhæfir sig í gæða endurmenntun fyrir breiðan hóp fólks sem vill bæta við sig þekkingu og leikni. 

Símenntun Háskólans á Akureyri

Stjórnendanámið er endurmenntun fyrir stjórnendur og millistjórnendur.
Kröfur í nútíma rekstri eru miklar og veröldin breytist á ógnarhraða. Því er nauðsynlegt að hafa yfirgripsmikla þekkingu til að sinna starfinu sem skyldi. Heildarnámið eru 5 lotur og verð 950.000 kr en hægt er að skrá sig í stakar lotur. Lota 1 hefst 7. janúar

Vinnumarkaðurinn þarf stjórnendur og millistjórnendur sem hafa rétt verkfæri á höndum sér til að bregðast við breytingum jafnhratt og þær koma. Ef eina verkfærið í boði er hamar verða öll vandamálin nagli. Með því að búa yfir góðri verkfærakistu er hægt að bregðast við ólíkum vandamálum á mismunandi hátt sem leiðir af sér betri og skilvirkari stjórnun.
Fjallar um einstaklinginn í þeirri stöðu sem hann gegnir; „hvers vegna er ég hér", „hversu hæfan tel ég mig vera og hvað þarf ég til að auka hæfni mína?" og „Hver er afstaða mín til fyrirtækis, yfirmanna, samstarfsmanna og undirmanna?"
Farið er í hvernig þú getur bætt þig sem stjórnanda gagnvart starfsfólki þínu og/eða yfirmönnum.

Lota 1 snýr að þér sem stjórnanda, hvernig þú getur unnið með þína hæfileika og hvernig þú getur bætt þína veikleika.

Stjórnendanám Stjórnendafræðslunnar Lota 1

Lota 2 - Stjórnun Mannauðs
Stjórnendanámið er 100% fjarnám fyrir stjórnendur og millistjórnendur sem vilja bæta við sig þekkingu og verða betri stjórnandi. Nemendur hitta kennara og samnemendur einu sinni í viku í fjarfundabúnaði en þess utan ráða nemendur ferðinni. Námið er byggt upp fyrir fólk í vinnu, verkefnin eru unnin útfrá þínum vinnustað og er námið því mjög hagnýtt.
Lota 2 í náminu er um Stjórnun Mannauðs. Fjallar um meginatriði mannauðsstjórnunar, bæði í skipulagseiningu (deild, sviði, útibúi) og skipulagsheild ásamt velferð, heilsufari, fjarvistum og ýmsum vandamálum sem fyrirtæki og starfsmenn glíma við - ásamt lausnum.
Mælt er með því að hefja Stjórnendanámið á Lotu 1 sem verður næst kennd í  september 2023 en hægt er að hefja námið á Lotu 2 einnig.

Stjórnendanám Stjórnendafræðslunnar - Lota 2

Jafnréttismál hafa verið áberandi í umræðunni á Íslandi undanfarin ár og hefur löggjöfin í kringum þennan málaflokk þróast hratt síðast liðinn 5 ár. Á námskeiðinu verður farið yfir þessa þróun og þau nýmæli sem kynnt hafa verið til sögunnar svo sem jafnlaunavottun og jafnlaunastaðfestingu, ásamt helstu réttindum sem lögin tryggja. Þá verður farið yfir lög um jafna meðferð (utan og innan vinnumarkaðar) ásamt því að ræða helstu álitamál sem upp hafa komið og varða málaflokkinn, en ljóst er að af nægu er að taka.

Í boði er að sitja námskeið og fá viðurkenningarskjal í lokin en einnig er hægt að klára námskeiðið með 2 ECTS einingum en þá er skyldumæting í lotur og verkefnaskil. 

Jafnréttislöggjöfin - Málstofa

Hugverk eru iðulega talin meðal verðmætustu eigna þeirra sem réttinn eiga og þau geta – ef rétt er haldið á spöðunum – veitt mikilvægt samkeppnisforskot á markaði. Á námskeiðinu verður farið yfir hver þessi réttindi eru, hvernig þau verða til, hvað felst í þeim og hvernig þau verða best tryggð og hagnýtt. Þá verður skoðað hvað þarf að varast og til hvaða úrræða er hægt að grípa við brotum á hugverkarétti.

Hægt er að velja á milli þess að taka námskeiðið í 100% fjarnámi eða mæta í staðarlotu og fá það metið sem 2 ECTS.

Námskeiðið hentar í raun öllum þeim sem eru að sýsla eitthvað sjálfir, s.s. frumkvöðlum, uppfinningafólki, hönnuðum, nýjum eða rótgrónum fyrirtækjum sem treysta á hugvit og tæknilausnir, merki, framleiðsluafurðir o.fl. í sínum störfum og svo auðvitað lögmönnum, dómurum, háskólakennurum o.fl. 

Hugverkaréttindi - Málstofa

Á námskeiðinu verður farið yfir helstu lög og reglur á fjármálamarkaði með sérstakri áherslu á þær breytingar sem orðið hafa á regluverkinu á síðustu árum með innleiðingu á MiFID2 tilskipuninni og MiFIR og MAR reglugerðunum.

Námskeiðið er ætlað þeim sem hafa verðbréfaréttindi og þurfa að sækja endurmenntun vegna þeirra.

Nýlegar breytingar á regluverki fjármálamarkaðarin

Árangursrík samningatækni er ein af undirstöðum þess að ná árangri í starfi. Námskeiðið inniheldur helstu lykilþætti í samningatækni. Lögð er sérstök áhersla á undirbúning fyrir samninga, samningatækni-ferilinn, hegðun og samskipti í samningum, og hvernig aðilar geta náð fram svokallaðri vinn-vinn nálgun þar sem allir aðilar hagnast. Einnig er lögð áhersla á lausn vandamála í tengslum við samningamennsku.

Ávinningurinn með námskeiðinu er að öðlast þekkingu og færni í því hvernig má undirbúa sig faglega og ná fram sem bestu samkomulagi í samningum, samhliða því að styrkja samskipti og viðskiptatengsl.

Árangursrík samningatækni

Stjórnendanámið er lotuskipt 100% fjarnám sem hentar öllum óháð staðsetningu og menntun. Námið skiptist í 5 lotur en hægt er að hefja námið hvar í ferlinu sem er. Lota 1 er með september og janúar byrjun. Námið er hannað með þarfir vinnumarkaðarins í huga, hjálpar nemendum að einfalda stjórnunarstörf sín og nýtist námið frá fyrsta degi á vinnustaðnum.

Lota 3 fjallar um innra skipulag fyrirtækja sem stjórnandi/millistjórnandi þarf að hafa þekkingu á og hæfni til að takast á við hverju sinni, s.s stjórnkerfisskipulag og ákvarðanatöku á þeim vettvangi, formlegt starfsmannahald, gæðakerfi, öryggismál á vinnustað og viðhald tækja, einkum með tilliti til öryggis og framleiðni.

Stjórnendanám Stjórnendafræðslunnar - Lota 3