Hagnýt ritlist
Það veit enginn meira um þitt fyrirtæki en þú. Þannig að frekar en að fá aðra til að segja sögurnar um þitt fyrirtæki, viljum við gefa þér tækin til að segja þær sögur sjálf/ur.
Á tímum tölvupósts, spjallforrita og samfélagsmiðla skiptir ritlist mun meira máli í daglegu lífi en áður, jafnvel þótt hefðbundinn bóklestur sé á undanhaldi. Samskipti sem eitt sinn voru í töluðu máli eru núna oftar og oftar skrifleg og því skiptir öllu að vera þar á heimavelli. Á þessu námskeiði er ætlunin að gera þig öruggari á öllum sviðum hins skrifaða máls, með áherslu á það sem ÞÚ þarft mest að hagnýta þér – hvort sem það eru Facebook-póstar fyrir fyrirtækið þitt, jólabréf til fjölskyldunnar eða eitthvað þar á milli. Námskeiðið er ekki því ekki hugsað sérstaklega fyrir fólk með skáldadrauma – en hver veit nema einhverjir slíkir draumar vakni.