Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Þroskaþjálfi - Hæfingarstöðin Bæjarhrauni

Hafnarfjarðarbær óskar eftir að ráða þroskaþjálfa eða fólk með sambærilega menntun í Hæfingarstöðina að Bæjarhrauni. Þar fer fram þjónusta við fatlað fólk með langvarandi stuðningsþarfir

Í boði er 100% framtíðarstarf í dagvinnu. Um er að ræða spennandi-, lærdómsríkt- og framsækið starf með fjölbreyttum verkefnum. Lögð er áhersla á góða aðlögun í starfið.

Helstu verkefni og ábyrgð:

Taka þátt í starfi með þjónustunotendum með áherslu á að styðja við notkun óhefðbundinna tjáskipta
Stuðla að virkni, velferð og vellíðan þjónustunotenda
Uppsetningu á persónuáætlunum, eftirfylgni þeirra og endurmati á þeim
Þátttaka í árlegri uppsetningu á starfsáætlun og eftirfylgni hennar
Þátttaka í erlendu samstarfi
Önnur verkefni samkvæmt starfslýsingu og sem yfirmaður felur starfsmanni

Menntunar- og hæfniskröfur:

Þroskaþjálfamenntun og starfsleyfi sem þroskaþjálfi eða sambærileg menntun (leyfisbréf fylgi umsókn)
Áhugi á málefnum fatlaðs fólk
Samstarfvilji og hæfni í mannlegum samskiptum
Jákvætt viðmót og rík þjónustulund
Skipulagshæfni og samviskusemi
Frumkvæði og þolinmæði
Almenn tölvukunnátta
Starfsreynsla æskileg
Hæfni til að tjá sig í ræðu og riti á íslensku og á ensku einnig æskileg

Skilyrði er að viðkomandi hafi náð 20 ára aldri og hafi hreint sakavottorð.

Frekari upplýsingar um starfið veitir Halla Harpa Stefánsdóttir forstöðuþroskaþjálfi virka daga í síma 565-0446, milli kl. 8-16.

Laun samkvæmt gildandi kjarasamningi Sambands íslenskra sveitarfélaga við Þroskaþjálfafélag Íslands eða annað félag í BHM.

Umsóknarfrestur er til og með 5. mars 2025.

Umsókn fylgi greinargóð ferilskrá.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Auglýsing birt19. febrúar 2025

Umsóknarfrestur5. mars 2025

Tungumálahæfni