Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

Vinnustaðurinn

Verkefnastjóri stoðþjónustu

Á velferðarsviði Garðabæjar starfar samhentur hópur fólks með fjölbreytta menntun og starfsreynslu. Á velferðarsviði er veitt margþætt þjónusta til einstaklinga og fjölskyldna ásamt því sem starfsfólk vinnur að framþróun þeirra málaflokka sem tilheyra sviðinu. Undir sviðið heyrir m.a. félagsþjónusta, jafnréttismál, barnavernd, farsæld barna, þjónusta við fatlað fólk, stuðnings- og öldrunarþjónusta og móttaka flóttafólks. Á velferðarsviði er lögð áhersla á að þjónustan einkennist af fagmennsku, áreiðanleika og jákvæðni.

Verkefnastjóri í stoðþjónustu vinnur á heimili fatlaðs einstaklings í sjálfstæðri búsetu og hefur umsjón með og skipuleggur daglega þjónustu og stuðning samkvæmt hugmyndafræði um sjálfstætt líf.

Helstu verkefni og ábyrgð

Starfar samkvæmt lögum um þjónustu við fatlað fólk með langvarandi stuðningsþarfir nr.38/2018 og reglugerð um þjónustu við fatlað fólk á heimili sínu nr.370/2016 sem og stefnu Garðabæjar í málefnum fatlaðs fólks.
Framfylgja hlutverki og markmiðum starfsstöðvarinnar undir stjórn næsta yfirmann og í samvinnu við hann.
Tryggja að íbúi/ar fái þá þjónustu sem starfsstöðinni ber að veita með það markmiði að auka sjálfstæði, lífsgæði og viðhalda færni þannig að einstaklingurinn geti verið virkur þátttakandi í samfélaginu.
Kemur að starfsmannamálum og vaktaskýrslugerð
Vinnur einstaklingsbundna þjónustuáætlun og sinnir eftirfylgd áætlunar
Tengiliður við aðra þá meðferðaraðila sem koma að þjónustunni
Sinnir ráðgjöf og stuðningi til starfsmanna og metur þörf fyrir fræðslu.
Skapa öfluga liðsheild starfsmanna.

Menntunar- og hæfniskröfur

Háskólamenntun eða önnur menntun sem nýtist í starfi
Reynsla af og metnaður fyrir starfi með fötluðu fólki er skilyrði
Haldgóð þekking á málefnum fatlaðs fólks
Færni í mannlegum samskiptum
Frumkvæði og sjálfstæði í vinnubrögðum
Reynsla af starfsmannahaldi er æskileg
Góð tölvukunnátta
Gott vald á töluðu og rituðu íslensku máli, íslenskukunnátta B2 (samkvæmt samevrópskum tungumálaramma)
Bílpróf er skilyrði

Hlunnindi í starfi

Heilsuræktarstyrkur fyrir starfsmenn sem ráðnir eru í starfshlutfall að upphæð 20.000 kr. eftir 6 mánuði í starfi
Bókasafnskort fyrir starfsmenn sem ráðnir eru í starfshlutfall eftir 3 mánuði í starfi
Menningarkort fyrir starfsmenn sem ráðnir eru í starfshlutfall eftir 3 mánuði í starfi
Sundlaugarkort fyrir starfsmenn sem ráðnir eru í starfshlutfall eftir 3 mánuði í starfi
Árshátíð er starfsmönnum að kostnaðarlausu
Íslenskunámskeið fyrir erlenda starfsmenn

Allir sem ráðnir eru til starfa á velferðarsviði þurfa að veita heimild til upplýsingaöflunar úr sakaskrá.

Umsóknarfrestur er til og með 24. febrúar 2025.

Nánari upplýsingar um starfið veitir Ingibjörg Friðriksdóttir forstöðuþroskaþjálfi í síma 512-1599 eða í tölvupósti [email protected] og Pála Marie Einarsdóttir, deildarstjóri í málefnum fatlaðs fólks á velferðarsviði, í síma 525-8559 eða í tölvupósti [email protected]

Launakjör eru samkvæmt kjarasamningi Sambands íslenskra sveitarfélaga við viðkomandi stéttarfélag.
Áhugasamir einstaklingar, án tillits til kyns, eru hvattir til að sækja um.
Umsækjendur eru beðnir um að sækja um með því að smella á Sækja um starf og opna vefform.

Auglýsing birt12. febrúar 2025

Umsóknarfrestur24. febrúar 2025

Tungumálahæfni