Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Þjónustufulltrúi – Umhverfis- og skipulagssvið

Umhverfis- og skipulagssvið óskar eftir að ráða starfsmann í starf þjónustufulltrúa í þjónustumiðstöð Hafnarfjarðarbæjar. Um er að ræða 100% starf. Á umhverfis- og skipulagssviði eru um 50 stöðugildi.

Helstu verkefni og ábyrgð:

Almenn afgreiðslustörf, reikningsgerð og símasvörun fyrir umhverfis- og skipulagsvið
Almenn skrifstofustörf er varðar verkbókhald, ábendingargátt, lagerhald og reikningsbókhald
Ýmis þjónusta við viðskiptavini varðandi fyrirspurnir og framfylgni þeirra
Vinnur, yfirfer og klárar vinnugögn fyrir umhverfis- og skipulagssvið
Ýmis vinna og afleysingar fyrir rekstrarfulltrúa og þjónustuver
Önnur verkefni samkvæmt starfslýsingu

Menntunar- og hæfniskröfur:

Stúdentspróf, skrifstofunám, bókhaldsnám eða sambærilegt nám sem nýtist í starfi
Góð reynsla af sambærilegu starfi
Almenn, góð tölvukunnátta
Samstarfs- og samskiptahæfni, þjónustulund og jákvæðni
Góð framkoma og almenn kurteisi
Frumkvæði, sjálfstæði og skipulagshæfni
Hæfni til að aðlagast breyttum aðstæðum
Íslenskukunnátta er skilyrði fyrir ráðningu

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Nánari upplýsingar um störfin veita Björn Bögeskov Hilmarsson, forstöðumaður þjónustumiðstöðvar, í síma 585-5670 eða í gegnum tölvupóst: [email protected] og Sigurður Haraldsson sviðsstjóri í síma 585-5670 eða í gegnum tölvupóst: [email protected]

Umsóknarfrestur er til 5. mars n.k.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagins.

Auglýsing birt21. febrúar 2025

Umsóknarfrestur5. mars 2025

Tungumálahæfni

Íslenska

Nauðsyn

Mjög góð

Staðsetning

Norðurhella 2, 221 Hafnarfjörður

Starfstegund

Starfsgreinar

Starfsmerkingar

Fleiri störf (18)

Skóla- og frístundaliðar í frístundaheimilið Lækjarsel - Lækjarskóli