Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérhæfður starfsmaður - hlutastarf á ónæmisfræðideild

Laust er til umsóknar 50% starf sérhæfðs starfsmanns á ónæmisfræðideild Landspítala við Hringbraut.

Á deildinni starfa um 30 einstaklingar við greiningar, rannsóknir, ráðgjöf og kennslu heilbrigðisstétta í ónæmisfræði. Góður starfsandi er ríkjandi.

Meginhlutverk deildarinnar er að vera leiðandi hvað varðar rannsóknir, greiningu, meðferð og eftirlit ónæmis- og ofnæmissjúkdóma á Íslandi. Auk þess veitir deildin alhliða þjónusturannsóknir á sviði gigtar-, bólgu- og sjálfsofnæmissjúkdóma.

Starfið felst í móttöku og símavörslu, framkvæmd glerþvottar og dauðhreinsunar, umsjón með kaffistofu, almennri aðstoð við starfsfólk og öðrum verkefnum í samráði við yfirmann. Við viljum ráða jákvæðan, þjónustulipran og sjálfstæðan einstakling með góða samskiptahæfni.

Deildin er opin alla virka daga frá kl. 8-16 og það þarf að manna móttökuna á þessum tíma. Vinnutími eftir samkomulagi við ráðningu. Gott væri ef viðkomandi gæti hafið störf sem fyrst.

Menntunar- og hæfniskröfur

Jákvæðni og skipulögð vinnubrögð

Stundvísi, sveigjanleiki og þjónustulund

Góð íslenskukunnátta

Reynsla sem nýtist í starfi æskileg

Góð tölvukunnátta er æskileg

Helstu verkefni og ábyrgð

Símavarsla og móttaka

Eftirlit og framkvæmd glerþvottar og dauðhreinsunar

Umsjón með kaffistofu

Almenn aðstoð við starfsfólk

Önnur verkefni í samráði við yfirmann

Starfshlutfall: 50%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Sérhæfður starfsmaður, móttaka, símavarsla, skrifstofustarf, eldhússtörf

Nánari upplýsingar

Anna Guðrún Viðarsdóttir, annavid@landspitali.is,

Ónæmisfræðideild

Hringbraut

101 Reykjavík

Auglýsing birt3. september 2024

Umsóknarfrestur20. september 2024

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)