Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðilæknir í kvenlækningateymi

Laust er til umsóknar starf sérfræðilæknis í kvenlækningateymi kvenna- og barnaþjónustu Landspítala.

Um er að ræða starf við almennar kvenlækningar og felst starfið í göngudeildarþjónustu, bráðaþjónustu, legudeildarþjónustu og aðgerðum og því mikilvægt að hafa góða reynslu á þessu sviði. Starfshlutfall er 100% og er starfið laust frá 1. janúar 2025 eða eftir samkomulagi.

Í kvenlækningateyminu er lögð áhersla á þverfaglega samvinnu tengt sjúkdómum í kvenlíffærum, auk þess er náin samvinna með fæðingarteymi Landspítala, þar sem samstarf er um læknisþjónustu utan dagvinnutíma með sérfræðilæknum fæðingarteymis. Viðkomandi sérfræðilæknir mun vera þátttakandi í starfssemi Endóteymis Landspítala.

Mikil uppbygging hefur átt sér stað í teymis- og gæðastarfi í kvenlækningarteymi á undanförnum árum og mikilvægt að umsækjandi sé tilbúinn til að taka þátt í áframhaldandi þróun sérgreinarinnar ásamt undirbúningi við flutning sérgreinarinnar í nýjan spítala.

Menntunar- og hæfniskröfur

Íslenskt sérfræðileyfi í fæðinga- og kvensjúkdómalækningum

Góð reynsla í almennum kvenlækningum, bráðaþjónustu, uppvinnslu og meðferð vegna góðkynja vandamála sem og annarra sérhæfðra vandamála í kvenlíffærum

Sértæk reynsla í meðferð Endómetríósu kostur

Leiðtogahæfileikar

Góð samstarfs- og samskiptahæfni og jákvætt viðmót

Hæfni og geta til að starfa í teymi

Reynsla af kennslu og vísindastörfum

Helstu verkefni og ábyrgð

Sérfræðistörf í samráði við viðkomandi yfirlækni

Teymisvinna í samráði við viðkomandi yfirlækni

Þátttaka í vöktum og bakvöktum fæðinga- og kvenlækninga

Umsjón/ virk þátttaka í gæðastarfi deildarinnar

Þátttaka í kennslu og vísindavinnu sem og önnur sérverkefni

Umsjónarstörf eða eftirlitsverkefni í samráði við yfirlækni

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af námsgögnum og starfsleyfum.
Ferilskrá þar sem tilgreind er reynsla af kennslu, vísindavinnu og stjórnunarstörfum.
Staðfesting á reynslu í aðgerðartækni vegna almennra góðkynja vandamála í kvenlíffærum (aðgerðalisti staðfestur af yfirmanni).
Kynningarbréf með rökstuðningi fyrir hæfni og sýn á starfið.
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed.

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, sérfræðilæknir,

Nánari upplýsingar

Kolbrún Pálsdóttir, kolbrunp@landspitali.is, 543-1000

Sérfræðilæknar kvenlækningateymis

Hringbraut

101 Reykjavík

Auglýsing birt12. september 2024

Umsóknarfrestur27. september 2024

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)

Sérfræðilæknir í krabbameinslækningum á geislameðferðardeild krabbameina