Sérfræðingur í raforkukerfum

Við leitum eftir rafmagnsverkfræðingi eða rafmagnstæknifræðingi, helst með reynslu af vinnu eða verkefnastjórnun við framleiðslu-, flutnings- og/eða dreifikerfi raforku.

Starfið felur í sér fjölbreytt verkefni á sviði raforkukerfa í virkjunum, tengivirkjum, veitukerfum og iðnaði ásamt prófunum og gangsetningum kerfa á verkstað. Verksviðið getur orðið fjölbreytt og náð allt frá frumathugunum og valkostagreiningum að útboðshönnun og yfirferð á hönnun verktaka. Í sumum tilvikum er deilihönnun einnig unnin af hópnum. Hvert verkefni er leitt af verkefnisstjóra sem hefur með sér aðra sérfræðinga í takt við umfang verkefnisins. Vinnan er því teymisvinna og þörf á miklum og góðum samskiptum innan húss sem utan. Starfið tilheyrir rafbúnaðarhópi Orku- og iðnaðarsviðs.

Við höfum áhuga á jákvæðum einstaklingum með góða samskipta- og skipulagshæfni sem sýna metnað, frumkvæði og sjálfstæði í starfi.