Landsvirkjun

Við hjá Landsvirkjun vinnum rafmagn úr endurnýjanlegum orkugjöfum og rekum 15 vatnsaflsstöðvar, þrjár jarðvarmastöðvar og tvær vindmyllur í rannsóknaskyni, á fimm starfssvæðum víðs vegar um land. Höfuðstöðvar okkar eru í Reykjavík. Við leggjum áherslu á að byggja upp metnaðarfullt starfsumhverfi sem nærir öfluga liðsheild, árangur og hvetjandi starfsanda. Við tryggjum starfsfólki góðan aðbúnað og sveigjanleika til að einfalda og auðvelda heilbrigða samþættingu vinnu og einkalífs. Stöðugt er hlúð að vellíðan og farsæld starfsfólks og unnið með heilsutengdar forvarnir, öryggi og vinnuvernd. Við fögnum fjölbreytileikanum og leggjum áherslu á jafnrétti í öllum okkar störfum.

Vinnustaðurinn

Nýsköpunarstjóri í viðskiptaþróun

Tækifæri fyrir sjálfbæran heim

Nýsköpun er lykillinn að verðmætasköpun, bættri nýtingu og minni losun í orkukerfi þjóðarinnar. Við sjáum tækifæri í sjálfbærri verðmætasköpun, sveigjanlegra orkukerfi, bættri nýtingu auðlinda og orkuskiptum. Við könnum tækifæri á markvissan hátt, metum fýsileika þeirra, forgangsröðum þeim og þróum valin verkefni áfram.

Við leitum að markaðsþenkjandi einstaklingi til að starfa með okkur í deild viðskiptaþróunar. Nýsköpunarstjórinn hefur brennandi áhuga á að hrinda í framkvæmd viðskiptatengdum þróunarverkefnum. Í starfinu reynir á reynslu og áhuga á markaðsgreiningum og fjármálum nýsköpunarverkefna. Við leitum að skipulögðum og kraftmiklum einstaklingi sem hefur ánægju af uppbyggilegum samskiptum við fjölbreytta hagaðila og samstarfsaðila innan- og utanlands.

Helstu verkefni og ábyrgð

greining og þróun nýrra viðskiptatengdra nýsköpunartækifæra í samræmi við áherslur viðskiptaþróunar
gerð markaðsgreininga og mat á fýsileika verkefna
fjölbreytt samskipti á íslensku og ensku, þ.m.t. kynningar, fundir og tölvupóstsamskipti við mögulega viðskiptavini, samstarfsaðila og hagsmunaaðila

Menntunar- og hæfniskröfur