Húsnæðis- og mannvirkjastofnun (HMS)

Um vinnustaðinn Húsnæðis-og mannvirkjastofnun hefur umsjón með stjórnsýsluverkefnum á sviði húsnæðismála, fasteigna, mannvirkjamála, rafmagnsöryggismála og mála er varða byggingarvörur og brunavarnir. Stofnuninni er ætlað að stuðla að því að jafnvægi ríki á húsnæðismarkaði, m.a. með húsnæðisstuðningi, lánveitingum, rannsóknum, upplýsingagjöf, áætlanagerð og eftirliti. Einnig skal stofnunin leitast við að tryggja að almenningur hafi aðgang að öruggu og vistvænu húsnæði á viðráðanlegu verði og í samræmi við þarfir hvers og eins, óháð efnahag og búsetu, þannig að almenningur hafi raunverulegt val um búsetuform. Stofnunin gegnir jafnframt samræmingarhlutverki, sinnir samstarfi við sveitarfélög um stjórnsýslu húsnæðis-og mannvirkjamála og stuðlar að fyrirsjáanleika, skilvirkni og gæðum mannvirkjagerðar. Húsnæðis-og mannvirkjastofnun annast umsýslu Húsnæðissjóðs. Starfsstöðvar stofnunarinnar eru í Reykjavík, Akureyri og á Sauðárkróki og eru starfsmenn 160 talsins.

Vinnustaðurinn

Sérfræðingur í mannvirkjaeftirliti

Húsnæðis- og mannvirkjastofnun (HMS) óskar eftir sérfræðingi í mannvirkjaeftirliti í teymi mannvirkjaskrár.

Hlutverk teymisins er að sinna eftirliti með fagaðilum, sem ýmist hafa löggildingu eða starfsleyfi hjá HMS, ásamt því að leggja grunninn að rekjanleika í mannvirkjagerð með réttri skráningu á mannvirkjum.

Starfið snýr að því að hafa umsjón með að fagaðilar sinni faglegu eftirliti við framkvæmdir, uppfylli lögbundið hlutverk sitt og ábyrgð þegar kemur að mannvirkjagerð.

Um er að ræða áhugavert tækifæri til að vinna að fjölbreyttum verkefnum í góðu starfsumhverfi og hafa jákvæð áhrif.

Helstu verkefni og ábyrgð

Samskipti við fagaðila í mannvirkjagerð
Eftirlit og eftirfylgni með skráningum á áfangaúttektum byggingarstjóra í mannvirkjaskrá
Framkvæmd eftirlits með starfi hönnuða, iðnmeistara og byggingarstjóra
Fylgjast með þróun á sviði mannvirkjagerðar og stuðla að gæðum og öryggi
Móttaka, úrvinnsla og svörun fyrirspurna
Þátttaka í námskeiðshaldi fyrir fagaðila
Þátttaka í innleiðingu endurskoðaðs mannvirkjaeftirlits

Menntunar- og hæfniskröfur

Háskólamenntun í verkfræði, arkitektúr, byggingafræði, tæknifræði eða sambærilegt
Reynsla af mannvirkjagerð
Sveinspróf í löggildri iðngrein er kostur
Ríkir samskiptahæfileikar, jákvætt og lausnamiðað hugarfar.
Frumkvæði, áhugi og metnaður í starfi
Hæfni til að starfa sjálfstætt og í hóp
Gott vald á íslensku og ensku

Umsóknarfrestur er til og með 8. apríl 2025.

Húsnæðis- og mannvirkjastofnun (HMS) er sjálfstæð stofnun sem lýtur sérstakri stjórn og heyrir stjórnarfarslega undir innviðaráðherra. Stofnunin starfar að verkefnum á sviði húsnæðismála, mannvirkjamála, rafmagnsöryggismála og brunavarna, fer með samhæfingarhlutverk opinberrar markaðsgæslu, og rekur fasteignaskrá ásamt því að sinna verkefnum því tengdu. Hjá HMS er lögð áhersla á framúrskarandi þjónustu, nýsköpun, miðlun upplýsinga og stafræna þróun.

Með umsóknum skal fylgja ítarleg ferilskrá og kynningarbréf þar sem gerð er grein fyrir ástæðu umsóknar og hæfni viðkomandi fyrir starfið.

Laun eru samkvæmt gildandi kjarasamningi.

Lögð er rík áhersla á fjölbreytni og við hvetjum alla áhugasama einstaklinga til að sækja um, óháð kyni og uppruna.

Frekari upplýsingar um starfið veita:

Elín Dögg Ómarsdóttir, ráðgjafi Hagvangs, [email protected]

Hugrún Ýr Sigurðardóttir, teymistjóri, [email protected]

Auglýsing birt26. mars 2025

Umsóknarfrestur8. apríl 2025

Tungumálahæfni