Landsvirkjun

Við hjá Landsvirkjun vinnum rafmagn úr endurnýjanlegum orkugjöfum og rekum 15 vatnsaflsstöðvar, þrjár jarðvarmastöðvar og tvær vindmyllur í rannsóknaskyni, á fimm starfssvæðum víðs vegar um land. Höfuðstöðvar okkar eru í Reykjavík. Við leggjum áherslu á að byggja upp metnaðarfullt starfsumhverfi sem nærir öfluga liðsheild, árangur og hvetjandi starfsanda. Við tryggjum starfsfólki góðan aðbúnað og sveigjanleika til að einfalda og auðvelda heilbrigða samþættingu vinnu og einkalífs. Stöðugt er hlúð að vellíðan og farsæld starfsfólks og unnið með heilsutengdar forvarnir, öryggi og vinnuvernd. Við fögnum fjölbreytileikanum og leggjum áherslu á jafnrétti í öllum okkar störfum.

Vinnustaðurinn

Viltu þróa spennandi tækifæri erlendis?

Landsvirkjun þróar og fjárfestir í endurnýjanlegri raforkuvinnslu á erlendri grundu. Með því viljum við flytja út og efla íslenskt hugvit, auka kraft okkar í baráttunni við loftslagsbreytingar og skapa verðmæti fyrir íslensku þjóðina. Norðurslóðir eru í forgrunni hjá okkur og þar eru mörg áhugaverð verkefni í undirbúningi.

Við leitum að kraftmiklum forstöðumanni til að leiða deild erlendra verkefna. Deildin, sem er á sviði Viðskiptaþróunar og nýsköpunar, mun þróa og sjá um verkefni sem tengjast nýjum orkumörkuðum utan Íslands, svo sem í Kanada og á Grænlandi.

Helstu verkefni og ábyrgð

að stýra teymi um þróun og umsjón verkefna á sviði endurnýjanlegrar orkuvinnslu erlendis og leiða samstarf sem þeim tengist
að uppfæra og innleiða verklag, ferla og kerfi sem styðja erlenda starfsemi
að stýra samskiptum við innri og ytri hagaðila sem tengjast erlendri starfsemi

Menntunar- og hæfniskröfur

reynsla af því að þróa og hafa umsjón með orkuverkefnum af því tagi sem um ræðir
hagnýt þekking og framhaldsnám í raunvísindum, viðskiptum, fjármálum eða öðru sem nýtist í starfi
öflugir stjórnunar- og samskiptahæfileikar á íslensku og ensku
samstarfsvilji, lausnamiðuð hugsun og vaxtarviðhorf
sköpunargleði og skipulagshæfni

Sótt er um starfið á vef Landsvirkjunar landsvirkjun.is/storf

Nánari upplýsingar má fá hjá [email protected] eða [email protected]

Auglýsing birt14. mars 2025

Umsóknarfrestur31. mars 2025

Tungumálahæfni