Sölustjóri heildsölu

Við leitum að öflugum einstaklingi til að leiða heildsölu Blue Lagoon Skincare á Íslandi.

Blue Lagoon Skincare starfar á alþjóðlegum snyrtivörumarkaði og annast þróun, framleiðslu, markaðssetningu og sölu húðvara undir vörumerkinu Blue Lagoon Skincare. Húðvörurnar komu fyrst á markað árið 1995, hafa hlotið fjölda alþjóðlegra viðurkenninga og eru B Corp vottaðar. Undir starfsemi fyrirtækisins heyrir rekstur fjögurra sérverslana og heildsölu á Íslandi sem og rekstur dótturfélaga í Bandaríkjunum, Bretlandi og Hollandi.

Helstu verkefni og ábyrgð

• Ábyrgð á sölu og þjónustu til innlendra og erlendra viðskiptavina á Íslandi í gegnum endursöluaðila.
• Að hafa frumkvæði að nýjum viðskiptum og byggja upp og viðhalda núverandi viðskiptasamböndum.
• Þátttaka í stefnumótun og innleiðingu stefnu.
• Greining og eftirfylgni með söluþróun, markaðsþróun og tækifærum til vaxtar.
• Eftirlit með samkeppni á markaði, verðlagningu, framboði og dreifingu vara á markaði.
• Ábyrgð á að viðhalda háu þjónustustigi.
• Gerð tilboða, eftirfylgni og samningagerð.
• Þátttaka í sýningum, ráðstefnum og öðrum viðburðum sem styrkja stöðu fyrirtækisins á markaði.
• Önnur tilfallandi verkefni.

Hæfniskröfur

• Framúrskarandi samskiptahæfni og sjálfstæð vinnubrögð
• Reynsla af sölustýringu á heildsölumarkaði æskileg
• Háskólamenntun sem nýtist í starfi
• Reynsla af greiningu og framsetningu tölulegra gagna
• Þekking á fjárhagskerfinu Business Central er kostur
• Mjög gott vald á íslensku og ensku
• Nákvæm vinnubrögð og lausnamiðað hugarfar

Umsóknarfrestur er til og með 10. apríl 2025.

Viðkomandi mun hafa starfsstöð í skrifstofuhúsnæði Bláa Lónsins í Urriðaholti í Garðabæ.

Í boði er starf á lifandi og skemmtilegum vinnustað sem býður upp á fjölbreyttar og krefjandi áskoranir. Einnig eru ýmis fríðindi í boði, eins og heilsuræktarstyrkur, þátttaka í einu öflugasta starfsmannafélagi landsins ásamt ýmsum öðrum fríðindum sem starfsfólki Bláa Lónsins bjóðast.