Síminn

Síminn er traust og framsækið fyrirtæki á sviði fjarskipta og afþreyinga sem vill laða til sín framúrskarandi starfsfólk. Við erum fjölskylduvænn vinnustaður og leggjum áherslu á sterka liðsheild, hvetjandi starfsumhverfi og tækifæri til starfsþróunar og vaxtar. Hjá okkur hefur þú aðgang að framúrskarandi mötuneyti, fyrsta flokks kaffihúsi ásamt frábæru samstarfsfólki auk þess sem boðið er upp á búningsaðstöðu fyrir starfsfólk. Við viljum hafa gaman í vinnunni og bjóðum reglulega upp á fjölbreytta innanhúss viðburði af ýmsu tagi. Ef þú ert að leita að spennandi verkefnum, frábæru samstarfsfólki og lifandi vinnuumhverfi þá er Síminn góður kostur fyrir þig. Síminn hlaut jafnlaunavottun Jafnréttisstofu árið 2018, fyrst allra fjarskiptafyrirtækja á Íslandi. Í anda jafnréttisstefnu Símans hvetjum við öll kyn til að sækja um hjá Simanum. Gildi Simans eru skapandi, fagleg og árangursdrifin.

Vinnustaðurinn

Sérfræðingur í gagnaforritun (e. Data Engineer)

Síminn leitar að öflugum sérfræðingi í Upplýsingagreindarteymi fyrirtækisins. Gagnaforritari hannar, þróar og viðheldur gagnainnviðum. Viðkomandi vinnur gögn á þann hátt að þau styðji við ákvarðanatöku Símans og tryggir afköst og áreiðanleika afurða. Auk þess að vinna með hagaðilum til að skilja, greina og innleiða kröfur þeirra varðandi nýtingu gagna.

Í Upplýsingagreind vinnur hópur sérfræðinga sem sinnir fjölbreyttum verkefnum sem snúa m.a. að þróun og rekstri vöruhúss gagna, þróun gagnalíkana, gerð mælaborða og skýrslna. Þótt megin hlutverkið sé á gagnainnviði þarf viðkomandi að geta stokkið í önnur tilfallandi verkefni innan teymisins.

Helstu verkefni og ábyrgð

Þróun og rekstur vöruhúss gagna og gagnaumhverfis
Uppsetning og hönnun á gagnalóni (e. Datalake/Datalakehouse)
Framsetning og túlkun upplýsinga til endanotenda
Þátttaka í mótun og innleiðingu á gagnaframtíð Símans
Þátttaka í þróunarteymi og samvinna við aðrar einingar Símans
Stöðugar umbætur í rekstri, prófunum, eftirliti og gæðaferlum
Önnur tilfallandi verkefni

Menntunar- og hæfniskröfur

Menntun á sviði tölvunarfræði eða verkfræði
Þekking og reynsla af SQL gagnagrunnum (PostgreSQL, MSSQL)
Kunnátta í Python eða sambærilegu forritunarmáli
Þekking og reynsla af Azure skýjaumhverfi er kostur
Þekking og reynsla á ETL vinnslum
Reynsla af uppbyggingu viðskiptagreindar og vöruhúss er kostur
Frumkvæði og sjálfstæði í verkefnum
Skipulagshæfni og öguð vinnubrögð
Áhugi á skipulagi, gögnum og gagnagæðum sem og góð greiningarhæfni
Jákvætt viðhorf og lausnamiðuð hugsun

Fríðindi í starfi

Árlegur líkamsræktarstyrkur 
Aðgengi að velferðarþjónustu Heilsuverndar 
Rafmagnsbílastæði, hjólageymslur og búningsaðstaða 
Gleraugnastyrkur 
Afslættir af vörum og þjónustu Símans 
Samgöngustyrkur vegna vistvænna samgangna til og frá vinnu 
Námsstyrkir

Síðan 1906 hefur Síminn tengt heimili og fyrirtæki á Íslandi við umheiminn. Hjá Símanum starfa um 300 einstaklingar sem hafa metnað og þekkingu til að veita framúrskarandi þjónustu byggða á fyrsta flokks tækni. Við byggjum á sterkri liðsheild og kunnum að meta árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Sótt er um starfið á vef Símans. Umsóknarfrestur er til og með 30. mars 2025.

Nánari upplýsingar veitir [email protected]

Í anda jafnréttisstefnu Símans hvetjum við öll kyn til að sækja um.

Auglýsing birt21. mars 2025

Umsóknarfrestur30. mars 2025

Tungumálahæfni