Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur/ teymisstjóri - Endómetríósuteymi Landspítala

Við sækjumst eftir hjúkrunarfræðingi sem hefur áhuga á að taka þátt í að efla og þróa þjónustu endómetríósuteymis á Landspítala. Um er að ræða spennandi starf þar sem unnið er í þverfaglegu teymi. Viðkomandi mun, ásamt því að starfa sem teymisstjóri og halda utan um starfsemi teymisins, sinna öðrum verkefnum á móttöku kvenlækningadeildar.

Hjúkrunarfræðingurinn verður virkur þátttakandi í mótun framtíðarsýnar og eflingu þjónustu teymisins sem og stuðla að og þróa samstarf við hagsmunaaðila.

Unnið er að fjölbreyttum umbótaverkefnum og bjóðast margvísleg tækifæri til starfsþróunar.

Starfshlutfall er 80-100%, dagvinna og er starfið laust frá 1. nóvember 2025 eða eftir samkomulagi.

Á kvenlækningadeild starfar samhent teymi starfsfólks sem veitir fjölþætta heilbrigðisþjónustu allan sólarhringinn. Deildin, sem er í senn göngu-, dag- og legudeild, sinnir bráðatilfellum kvensjúkdóma sem og konum með góðkynja og illkynja sjúkdóma í grindarholi og brjóstum. Auk þess sinnir deildin bráðatilvikum kvensjúkdóma utan opnunartíma bráðaþjónustu kvennadeilda.

Menntunar- og hæfniskröfur

Brennandi áhugi á málefnum einstaklinga með endómetríósu

Faglegur metnaður, sjálfstæð vinnubrögð og góðir samskiptahæfileikar

Hæfni til að þróa og aðlaga heilbrigðisþjónustu að fjölbreyttum þörfum notenda

Áhugi á að starfa í þverfaglegu teymi

Frumkvæði, drifkraftur og áreiðanleiki

Færni til að skipuleggja og forgangsraða verkefnum

Íslenskt hjúkrunarleyfi

Góð íslensku- og enskukunnátta er skilyrði

Helstu verkefni og ábyrgð

Utanumhald og yfirsýn yfir starfsemi og þjónustu teymisins

Sinnir tilfallandi verkefnum hjúkrunar á móttökudeild kvenlækninga

Heilbrigðisþjónusta við notendur endómetríósuteymis í samræmi við gagnreynda þekkingu

Þróun heilbrigðisþjónustu á þverfaglegum grundvelli

Þátttaka í umbóta-, gæða- og vísindastarfi

Stuðlar að liðsheild og menningu sálræns öryggis

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna, umbótastarf

Tungumálahæfni: íslenska 4/5, enska 4/5

Nánari upplýsingar

Hrund Magnúsdóttir, [email protected], 543-3041

Kvenlækningadeild

Hringbraut

101 Reykjavík

Auglýsing birt3. september 2025

Umsóknarfrestur18. september 2025

Tungumálahæfni

Íslenska

Nauðsyn

Mjög góð

Enska

Nauðsyn

Mjög góð

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)