Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Tæknilegur vöru- og verkefnastjóri hugbúnaðarlausna

Við leitum að metnaðarfullum og öflugum vöru- og verkefnastjóra með tæknilegan bakgrunn og brennandi áhuga á heilbrigðismálum til að sinna fjölbreyttum og krefjandi verkefnum á sviði heilbrigðis- og upplýsingatækni á Landspítala. Vörustjórar sinna framþróun hugbúnaðarkerfa, rekstri, þjónustu, samskiptum við birgja og samstarfsfólk í tengslum við framþróun nýrra lausna í samráði við klínískar deildir. Hann vinnur jafnframt að framþróun og hagnýtingu tækni og ferla til að tryggja aðgangsheimildir notenda, jafn innan sem utan Landspítala. Starfið er laust samkvæmt samkomulagi.

Hugbúnaðarlausnir tilheyra stafrænni framþróun á þróunarsviði Landspítala og bera ábyrgð á öflun, framþróun og rekstri hugbúnaðarlausna. Á þróunarsviði starfa um 100 einstaklingar og er markmið sviðsins að styðja við þróun heilbrigðisþjónustu framtíðarinnar og veita framúrskarandi þjónustu við klíníska starfsemi.

Menntunar- og hæfniskröfur

Háskólapróf í tölvunarfræði, verkfræði eða sambærileg menntun

Þekking og reynsla af innleiðingu, rekstri og þjónustu við hugbúnaðarkerfi

Þekking og reynsla af þarfagreiningum og samþættingu hugbúnaðarkerfa

Reynsla af samskiptum við hagaðila og miðlun upplýsinga

Reynsla af teymisvinnu og/eða vörustjórnun æskileg

Mikil samskiptahæfni, jákvæðni og þjónustulund

Drifkraftur, sjálfstæði og ástríða fyrir verkefninu og áhugi á að takast á við nýjar áskoranir

Frumkvæði og skipulagshæfni, leitast við stöðugar umbætur

Helstu verkefni og ábyrgð

Vöru- og verkefnastýringu og samskipti við birgja og aðra hagaðila

Ábyrgð á framþróun og rekstri heilbrigðislausna spítalans

Gerð vegvísa (e. Roadmaps) í samstarfi við notendur, birgja og aðra hagaðila

Ábyrgð á uppsetningu á nýjum útgáfum og skipulagningu á innleiðingu þeirra

Viðhald gæðaskjala tengdum aðgangsmálum

Eftirlit með að aðgangsheimildir séu í samræmi við samþykktir og heimildir

Samskipti og samningamál við ytri stofnanir vegna aðgangsheimilda

Samvinna við ábyrgðaraðila gagna innan Landspítala í tengslum við aðgangsheimildir

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, vörustjóri, verkefnastjóri, verkfræði, tölvunarfræði

Tungumálahæfni: íslenska 4/5, enska 4/5

Nánari upplýsingar

Björk Grétarsdóttir, [email protected],

Stafræn framþróun

Skaftahlíð 24

105 Reykjavík

Auglýsing birt25. ágúst 2025

Umsóknarfrestur8. september 2025

Tungumálahæfni

Íslenska

Nauðsyn

Mjög góð

Enska

Nauðsyn

Mjög góð

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (40)